💞ആയിരം കണ്ണുമായി 12 [Fang leng] 182

 

അഖിൽ : ഒക്കെയാണ്‌… എനിക്കും എന്തായാലും അത്രയും സമയം വേണ്ടിവരും… ഒന്നും ചെയ്യാതെ കൂടുമ്പസ്വത്തും ബാങ്കിൽ ഇട്ട് അതുകൊണ്ട് ജീവിക്കാം എന്നായിരുന്നു എന്റെ പ്ലാൻ അതല്ല വേണ്ടത് എന്ന് ഇപ്പോൾ തോന്നുന്നു…

 

അപ്പോഴേക്കും ശ്രുതി ചായയുമായി എത്തി…

 

ശ്രുതി : എന്തോ കാര്യമായി പറയുവാണല്ലോ…

 

അഖിൽ : ഹേയ് ഒന്നുമില്ല…

 

അച്ഛൻ : അപ്പോൾ അഖില് ഇന്ന് ഉച്ചക്ക് ഇവിടുന്നാ ഭക്ഷണം കഴിക്കുന്നെ എന്താ…

 

അഖിൽ : അയ്യോ അത്…

 

ശ്രുതി : എന്ത് അയ്യൊ… ഹോട്ടലിൽ നിന്നല്ലേ എപ്പോഴും കഴിക്കുന്നെ ഇന്നിവിടുന്ന്…

 

അല്പനേരത്തിനുള്ളിൽ അവർ ചായ കുടിച്ചു കഴിഞ്ഞു…

 

അച്ഛൻ : അഖില് വാ നമുക്ക് പുറത്ത് വരെ പോയിട്ടു വരാം..

 

ശ്രുതി : എങ്ങോട്ടാ പോകുന്നെ…

 

അച്ഛൻ : മീൻ എന്തെങ്കിലും വാങ്ങണ്ടേ ഇവിടെ ഒന്നും ഇരിപ്പില്ലല്ലോ…അഖില് വാ

 

അവർ പതിയെ വീടിന് പുറത്തേക്ക് പോയി..

 

അല്പസമയത്തിന് ശേഷം ഇരുവരും ഓരോന്ന് പറഞ്ഞു ചിരിച്ചുകൊണ്ട് വീട്ടിലേക്ക് തിരികെയെത്തി..

 

ശ്രുതി : എന്താ ഇത്രയും ചിരിക്കാൻ… ഇവൻ എന്തെങ്കിലും മണ്ടത്തരം പറഞ്ഞോ…

 

അച്ഛൻ : നിന്നെ ക്ലാസ്സിൽ റൂൾസ് റാണി എന്നാണോ ശ്രുതി വിളിക്കുന്നെ…

 

ശ്രുതി : ഇതാരാ പറഞ്ഞെ ഇവനാണോ… ഇവനെ ഉണ്ടല്ലോ…

 

ശ്രുതി പതിയെ അവന്റെ മുതുകിൽ ഒരു ഇടി നൽകി…

 

അച്ഛൻ : എന്താ ശ്രുതി ഇത്…

 

ശ്രുതി : പിന്നെ അച്ഛനോട് ഓരോന്ന് പറഞ്ഞു തന്നത് കണ്ടില്ലേ…