💞ആയിരം കണ്ണുമായി 12 [Fang leng] 182

 

അഖിൽ : വേറെ ഒന്നും പറയില്ലേ… പോയ സ്ഥലങ്ങളെ പറ്റിയും കണ്ട കാര്യങ്ങളെ പറ്റിയും അങ്ങനെയൊക്കെ

 

ശ്രുതി : പറയാതെ പിന്നെ… ഇന്ന് മുഴുവനും ഇരുന്ന് എല്ലാം പറയണം….

 

അഖിൽ : എല്ലാം എന്ന് പറയുമ്പോൾ എന്നെ പറ്റിയും കാണും അല്ലേ…

 

ശ്രുതി : നിന്നെ പറ്റിയോ..

 

പെട്ടെന്നാണ് ശ്രുതിയുടെ ഫോൺ റിങ്ങ് ചെയ്തത്…

 

ശ്രുതി : ടാ നിർത്ത് ലക്ഷ്മിയാ…

 

അഖിൽ പതിയെ ബൈക്ക് ഒതുക്കി

 

ശ്രുതി : പറ ലക്ഷ്മി… ഉം… എത്തി ഇപ്പോൾ വീട്ടിലേക്ക് പോക്കൊണ്ടിരിക്കുകയാ നീ വീട്ടിലേക്ക് വന്നോ… ഓഹ് ശരി.. എപ്പോ… ഇന്നലെയോ… ശരി ശരി… ഞാൻ നോക്കട്ടെ വിളിക്കാം…

 

അഖിൽ : എന്താ ഇത്ര വെപ്രാളം പ്രശ്നം വല്ലതും ഉണ്ടോ….

 

ശ്രുതി : ഫസ്റ്റ് ഇയർ റിസൾട്ട്‌ വന്നു..നീ വേഗം എടുത്ത് നോക്കിക്കേ…ഇന്നലെ വൈകുന്നേരം വന്നെന്നാ അവൾ പറഞ്ഞെ..

 

അഖിൽ : (ദൈവമേ )ഈ റോഡിൽ വച്ചോ…ഞാൻ വീട്ടിൽ പോയിട്ട് നോക്കാം..

 

ശ്രുതി : ദേ… മര്യാദക്ക് നോക്ക്… അല്ലെങ്കിൽ രജിസ്റ്റർ നമ്പർ പറയ് ഞാൻ നോക്കാം..

 

അഖിൽ : ഇപ്പോൾ തന്നെ വേണോ…

 

ശ്രുതി : പറയ് അഖിലെ…

 

അഖിൽ : ഞാൻ നോക്കാം…

 

അഖിൽ പതിയെ ഫോണിൽ മാർക്ക് ലിസ്റ്റ് എടുക്കുവാൻ തുടങ്ങി… അല്പനേരത്തിനുള്ളിൽ അവന്റെ മുഖത്തെ ടെൻഷൻ മാറി ചിരി വിരിഞ്ഞു…

 

ശ്രുതി : എന്താ ങ്ങേ….

 

അഖിൽ : കിട്ടി… എല്ലാം വിഷയവും കിട്ടി…

 

ശ്രുതി : കിട്ടിയോ….ഇങ്ങെടുക്ക് നോക്കട്ടെ…