💥ചെറിയമ്മയുടെ സൂപ്പർഹീറോ 2💥[Hyder Marakkar] 2551

ബസ് ഇറങ്ങിയപ്പോൾ ആണ് പുള്ളിക്കാരി എന്നെ കണ്ടത്, പിന്നെ ബസ്റ്റോപ്പിൽ നിന്ന് ഫ്ലാറ്റിലേക്ക് ഞങ്ങൾ ഒരുമിച്ച് സംസാരിച്ച് നടന്നു, ഇത്തയുടെ മൂത്ത മകൾ അഫ്‌സാന ഇപ്പോ പ്ലസ്ടുവിൽ ആണ് പഠിക്കുന്നത്, പ്ലസ്ടു കഴിഞ്ഞ് ഡിഗ്രിക്ക് എന്റെ കോളേജിൽ ചേർക്കാൻ ആണ് പ്ലാൻ എന്ന് പുള്ളിക്കാരി പറഞ്ഞു, അതിന്ടെ എന്തേലും ആവശ്യം വന്നാൽ വിളിക്കാൻ വേണ്ടി അവർ എന്റെ ഫോൺ നമ്പറും വാങ്ങി, ആദ്യ നിലയിൽ എത്തിയപ്പോൾ അവർ അവരുടെ അപ്പാർട്മെന്റിലേക്കും ഞാൻ അമ്മൂനെ കൂട്ടാൻ ജോസഫ് അങ്കിളിന്റെ എടുത്തേക്കും പോയി, ഞാൻ ചെല്ലുമ്പോൾ അമ്മു ജോസഫ് അങ്കിൾന്റെ ഫ്ലാറ്റിന്റെ പുറത്ത് നിൽക്കുന്നുണ്ട്.

“എന്താ അമ്മു പുറത്ത് നില്കുന്നത്”

“അത് ചേട്ടായി വരുന്നത് ഞാൻ കണ്ടിരുന്നു”

“ആ നാ വാ നടക്ക്…. “

“ചേട്ടായി ഇന്ന് അമ്മേന്റെ ശത്രുവിന്റെ കൂടെ ആണ് വന്നത് ലേ….”
ഫ്ലാറ്റിലേക്ക് നടക്കുന്നതിന് ഇടയിൽ അമ്മു ചോദിച്ചു

“ഉഫ്…. ഒന്ന് മേലെ പറ പെണ്ണേ”

“ഈ………..”
അമ്മുവിന്റെ വക ഒരു വളിച്ച ചിരി

“അവരെ ബസ് ഇറങ്ങിയപ്പോൾ കണ്ടതാണ്”

അങ്ങനെ സംസാരിച്ച് ഞങ്ങൾ ഞങ്ങടെ വാസസ്ഥലത് എത്തി ചേർന്നു, രണ്ട് ആളും ഓരോ റൂമിൽ കയറി കാലും മുഖവും കഴുകി വന്ന് ടിവിയുടെ മുനിൽ ഇരിപ്പ് ഉറപ്പിച്ചു.

അപ്പോഴാണ് ഞാൻ അമ്മു പറഞ്ഞ കാര്യം ഓർത്തത്, ദേവൂന് ഈ സുഹറത്തയെ കണ്ണെടുത്താ കണ്ടൂടാ…
പക്ഷെ അതിന് പ്രത്യേകിച്ച് കാരണം ഒന്നും ഇല്ല താനും, എന്തായാലും സുന്ദരി ആയൊരു സ്ത്രീക്ക് മറ്റൊരു സുന്ദരിയോട് ഉള്ള അസൂയ അല്ല അത്,
ഹാ യെന്തരോ യേന്ദോ… ഞാൻ എന്തിനാ വെറുതെ ആവശ്യം ഇല്ലാത്ത കാര്യത്തെ കുറിച്ച് ചിന്തിച്ച് സമയം കളയുന്നത് ലേ..

അന്ന് ശനിയാഴ്ച ആയത് കൊണ്ട് പിന്നെ ദേവു വന്നതിന് ശേഷം ഞങ്ങൾ മൂന്ന് പേരും കൂടി ഇരുന്ന് കാരംസ് കളിയും ടിവി കാണലും ഒക്കെ ആയി രാത്രി കിടക്കാൻ മുറിയിലോട്ട് പോകുന്നത് വരെ നല്ല രസമായിരുന്നു, അത് ഒരു പതിവാണ്, ശനിയാഴ്ച ദേവു അമ്മൂന് വിശ്രമം അനുവദിച്ച ദിവസം ആണ്, അന്ന് രാത്രി നോ പഠിത്തം. അങ്ങനെ ഉള്ള എല്ലാ ശനിയാഴ്ചകളും ഞങ്ങൾ ഇങ്ങനെ ഒരുമിച്ച് ചിലവഴിക്കാറുണ്ട്
അതൊരു പ്രത്യേക സുഖം തന്നെ ആണ്, ആ ആഴ്ചയിലെ മുഴുവൻ ക്ഷീണവും മാറ്റാൻ ആ ഒരു ദിവസം മതി.

എല്ലാം കഴിഞ്ഞ് കിടക്കാൻ റൂമിൽ പോയി ഫോൺ എടുത്ത് നോക്കിയപ്പോൾ വാട്സാപ്പിൽ ഒരു അറിയാത്ത നമ്പറിൽ നിന്നും ‘ഹായ്’ എന്ന ഒരു മെസ്സേജ് വന്ന് കിടപ്പുണ്ട്. ഡിപി നോക്കിയപ്പോൾ സുഹറ ഇത്തയും മൂത്ത മകൾ അഫ്‌സാനയും കൂടി എടുത്ത ഒരു സെൽഫി, ഉമ്മയെ പോലെ തന്നെ മോളും ഒരു കൊച്ച് സുന്ദരി തന്നെ.