💥ചെറിയമ്മയുടെ സൂപ്പർഹീറോ 3💥[Hyder Marakkar] 2759

ഇടയ്ക്ക് ഒരു ഗ്യാപ് കിട്ടിയപ്പോൾ കാറിന്റെ കാര്യം ഞാൻ അമ്മൂനെ അറിയിച്ചു, വല്യ പ്രശ്നങ്ങൾ ഒന്നും ഉണ്ടായില്ല, ഫോട്ടോ കാണിച്ചു കൊടുത്തപ്പോൾ അമ്മൂനും വണ്ടി ഇഷ്ടപ്പെട്ടു, ഞാൻ മെറ്റാലിക്ക് ഗ്രേയ്‌ കളർ ആയിരുന്നു വിചാരിച്ചത്, പക്ഷെ ഫോട്ടോ കണ്ടപ്പോൾ അവൾക്ക് ബ്ലൂ ആണ് ഇഷ്ടം ആയത്, പിന്നെ എന്ത് ചെയ്യാൻ നെക്സ ബ്ലു കളർ അങ്ങ് ഉറപ്പിച്ചു, ഷോറൂമിലെ നമ്പർ കയ്യിലുണ്ട്, ഇന്ന് ഞായറാഴ്ച അലെ നാളെ വിളിച്ച് പറയാം എന്ന് കരുതി.

ഒരുമിച്ചുള്ള പാചകത്തിന് ശേഷം ഞങ്ങൾ മൂന്നുപേരും ഒരുമിച്ചിരുന്നു ഭക്ഷണം കഴിച്ചു, ബ്രേക്ക്‌ഫാസ്റ്റ് കഴിച്ചിട്ട് അധികം നേരം ആയില്ലെങ്കിലും മീൻ കറി ഉണ്ടായത് കൊണ്ട് നല്ലോണം കഴിച്ചു. നല്ലോണം ഭക്ഷണം കഴിച്ചത് കൊണ്ടും പ്രത്യേകിച്ച് ഒന്നും ചെയ്യാനില്ല എന്നത് കൊണ്ടും ഊണു കഴിച്ച് ഞാൻ റൂമിൽ പോയി കിടന്ന് സുഖമായി ഉറങ്ങി.

പിന്നെ ദേവു വന്ന് വിളിച്ചപ്പോൾ ആണ് ഞാൻ ഉണർന്നത്, നോക്കുമ്പോൾ അമ്മു എന്റെ അടുത്തായി കിടന്നു നല്ല ഉറക്കമാണ്, ഞാൻ എഴുന്നേറ്റിട്ടും ദേവു കൂറെ നേരം കിടന്ന് വിളിച്ചിട്ടാണ് അമ്മു എഴുന്നേറ്റത്. ഞങ്ങളെ രണ്ടുപേരെയും ഉണർത്തിയ ശേഷം ദേവു മീറ്റിംഗിന് പോയി. ഉറക്കപിച്ച് മാറിയപ്പോൾ നേരെ പോയി ടിവി ഓൺ ചെയ്തു, അമ്മുവും കൂടെ വന്ന് ഇരുന്നു. ചാനൽ മാറ്റി കളിക്കുന്നതിന് ഇടയ്ക്ക് HBO എത്തിയപ്പോൾ അതിൽ ബ്രാഡ്ലി കൂപ്പറുടെ “എ സ്റ്റാർ ഈസ്‌ ബോൺ” തുടങ്ങുന്നു, ഞാൻ ഇതുവരെ ആ പടം കണ്ടിട്ടില്ല, പൊതുവെ ത്രില്ലർ സിനിമകൾ ആണ് ഞാൻ കാണാറ്, അമ്മു നിർബന്ധിച്ചിട്ടാണ് വച്ചതെങ്കിലും പടം കണ്ട് തുടങ്ങിയപ്പോൾ എനിക്ക് ഇഷ്ടപ്പെട്ടു തുടങ്ങി, പിന്നെ അതിൽ അങ്ങ് മുഴുകി പോയി എന്ന് പറയാം.

മീറ്റിങ് ഒക്കെ കഴിഞ്ഞ് ദേവു തിരിച്ച് വരുമ്പോൾ ഞാനും അമ്മൂസും സിനിമയിൽ മുഴുകി ഇരിക്കുകയായിരുന്നു
ദേവു കയറി വന്നത് തന്നെ അമ്മൂനെ ചീത്ത പറഞ്ഞ് കൊണ്ടാണ്

“നീ ഇതുവരെ പഠിക്കാൻ പോയില്ലേ അമ്മു”
ടിവിയിൽ മുഴുകിയിരുന്ന ഞാനും അമ്മുവും വാതിൽ തുറന്ന് കയറി വന്ന ദേവൂന്റെ ഒച്ച കേട്ട് ഒരുപോലെ ഞെട്ടി പോയി.

“ഇപ്പോ പോവാ അമ്മേ…… ഈ സിനിമ ഒന്ന് കഴിയട്ടെ”

“സിനിമ ഒക്കെ ഇനിയും വരും, നാളെ ക്ലാസ്സ്‌ ടെസ്റ്റ്‌ അലെ, ബുക്ക്‌ തൊട്ടു നോക്കിട്ടില്ല”
ദേവു പിന്നെയും ചീത്ത പറയുന്നുണ്ട്, ഞാൻ പിന്നെ ആ ഭാഗത്തേക്ക് മൈൻഡ് ചെയ്തില്ല, വെറുതെ എന്തിനാ വേലിയിൽ കിടക്കുന്ന പാമ്പിനെ എടുത്ത് ഭാര്യയുടെ അല്ല സോറി തോളിൽ വെക്കുന്നത്……

“ഞാൻ പഠിച്ച് കഴിഞ്ഞതാണ് അമ്മേ, ഇനി വെറുതെ ഒന്ന് നോക്കിയ മതി”
അമ്മുവിന്റെ സഹികെട്ടുള്ള സ്വരം…..

“ശനിയാഴ്ച പഠിക്കാതെ ഫ്രീ ആയി നടക്കുനോണ്ടാണ് ഞായറാഴ്ചയും ഇങ്ങനെ മടിപിടിച്ച് ഇരിക്കുന്നത്, ഇനി ഇങ്ങനെ ആണെങ്കിൽ അടുത്താഴ്ച തൊട്ട് ശനിയാഴ്ച കളിച്ച് നടക്കാന്ന് ന്റെ കുട്ടി കരുതണ്ട”.

“ഉഫ്….. ഈ അമ്മേനെ കൊണ്ട് ഞാൻ തോറ്റ്, ഞാൻ പോയി പഠിച്ച് കളക്ടർ ആയി വരാ”
ദേവൂന്റെ വെറുപ്പിക്കൽ ആൺ സഹിക്കബിൾ ആയപ്പോൾ ദേഷ്യം പിടിച്ച് തറ ചവിട്ടി കുലുക്കി പോവുന്നതിനു ഇടയ്ക്ക് അടിച്ച ഡയലോഗ് ആയിരുന്നു അത്

അവളുടെ സംസാരവും നടത്തവും എല്ലാം കൂടി കണ്ട് എനിക്ക് ചിരി അടക്കാൻ പറ്റിയില്ല, ചിരിച്ചുപോയി സുഹൃത്തുക്കളെ ചിരിച്ചുപോയി………..