💥ചെറിയമ്മയുടെ സൂപ്പർഹീറോ 7💥[Hyder Marakkar] [Climax] 2482

ദേവു മേലെ ചിരിക്കുക മാത്രം ചെയ്തു“അല്ല….. അതിന് നിങ്ങൾ എപ്പോഴാണ് സംസാരിച്ചത്??”

“അതോ…… അത് അന്ന് നിന്നെ തല്ലിയത് ഭാസ്കരന്റെ ആളുകൾ ആണെന്ന് അറിഞ്ഞ അടുത്ത ദിവസം ഞാൻ സുഹറയെ കണ്ടപ്പോൾ കുറച്ച് നേരം സംസാരിച്ചിരുന്നു……അപ്പൊ അവൾ പറഞ്ഞതാണ്…… നീ പറഞ്ഞ പോലെ ഞാൻ സോറി ഒന്നും പറയാൻ നിന്നില്ല….
പിന്നെ നിന്റെ ഇത്തയ്ക്കു നിന്റെ കാര്യം പറയുമ്പോൾ നൂറ് നാവാണ് ട്ടോ…… അഭി പാവമാണ്, സ്നേഹമുള്ള പയ്യനാണ്, ചക്കയാണ് മാങ്ങയാണ് ന്ന് ഒക്കെ പറഞ്ഞ് ഫുൾ നിന്നെ പൊക്കി അടിക്കൽ ആയിരുന്നു…… അത് മാത്രം എനിക്ക് അത്ര ഇഷ്ടമായില്ല……”

“വെറും അസൂയ….. എന്ത് ചെയ്യാനാണ് ഇതിന് ഇതുവരെ മരുന്ന് കണ്ടുപിടിച്ചിട്ടില്ല”

“ഓ……. അസൂയ പെടാൻ പറ്റിയ ഒരു ചരക്ക്…… പോടാ ചെക്കാ….”

“ഹ……ഹ…………….”

“അധികം ചിരിക്കണ്ട…… ഇനി വെറുതെ പ്രശ്നം ഉണ്ടാക്കാൻ പോവില്ല എന്ന് എന്റെ തലയിൽ തൊട്ട് സത്യം ചെയ്തതാണ്……. അത് തെറ്റിച്ച പിന്നെ മോൻ ജീവിതത്തിൽ ഒരിക്കലും ചിരിക്കൽ ഉണ്ടാവില്ല…….കേട്ടോ……..”

“മ്മ്……….”

“ആ മൂളൽ ഒരു സുഖം ഇല്ലാലോ……. വായ തുറന്ന് പറ ചെക്കാ…….”

“എന്റെ ദേവു ആണേ സത്യം….. ദേവൂന് തന്ന വാക്ക് ഞാൻ തെറ്റിക്കില്ല…….”

“മ്മ്……. ഗുഡ് ബോയ് “

അതും പറഞ്ഞ് ദേവു പുറത്തെ കാഴ്ചകളിലേക്ക് കണ്ണ് തിരിച്ചു
എന്നെ ഒരു മാസം വീട്ടിൽ കിടത്തിയ ആ പൂ മക്കളോട് ക്ഷമിക്കാൻ ഞാൻ തീരുമാനിച്ചു, അതിലും വലുത് എനിക്ക് എന്റെ ദേവൂന് കൊടുത്ത വാക്ക് തന്നെയാണ്……. ദേവൂനെ സങ്കടപ്പെടുത്താൻ കഴിയില്ല…….

ചുരം കയറാൻ തുടങ്ങിയപ്പോൾ ദേവൂന്റെ മുഖത്തു കണ്ട ഭാവം, അത് എന്നിൽ ഉണ്ടാക്കിയ സന്തോഷം….. പറഞ്ഞ് അറിയിക്കാൻ കഴിയാത്ത അത്ര സന്തോഷം….

“എന്താ ദേവു ഇങ്ങനെ നോക്കുന്നത്”

“എന്ത് ഭംഗി ആടാ…..വൗ…….”

“മ്മ്…… നമ്മുടെ കാറ്‌ കിട്ടിയിട്ട് അമ്മുവിനെ കൂട്ടി ഒരു വട്ടം വരണം….. അതിന് ഇങ്ങനെ പോവാൻ ഒക്കെ നല്ല ഇഷ്ടമാണ്……. മിസ്സ്‌ ചെയ്യാ…..”
ദേവു എന്റെ കവിളിൽ ഒരു ഉമ്മ തന്നു…… ആ കണ്ണുകൾ നിറഞ്ഞിട്ടുണ്ട്, കാരണം അറിയില്ല….. ഞാൻ ചോദിക്കാനും നിന്നില്ല…….

 

ഉച്ചയ്ക്ക് ഒന്നര മണിയോടെ ഞങ്ങൾ വയനാട് എത്തി, ലക്കിടി താജ് ഹോട്ടലിൽ കയറി ഓരോ ബിരിയാണിയും അടിച്ചിട്ട് ആണ് ബാക്കി യാത്ര തുടർന്നത്…. റോഷന്റെ കൂടെ ചില ഞായറാഴ്ചകളിൽ വയനാട് വരുമ്പോൾ സ്ഥിരം ഇവിടെ കയറി ഫുഡ്‌ കഴിക്കാറുണ്ട്…

കുറുവാദ്വീപും എടക്കൽ ഗുഹയും ഒക്കെ സ്കൂളിൽ പഠിക്കുന്ന കാലത്ത് ടൂർ വന്നിട്ടുള്ള സ്ഥലങ്ങളാണ്, അതിലും കൂടുതൽ ദേവു ആസ്വദിക്കുക മറ്റ് ചില പ്രകൃതി മനോഹരമായ സ്ഥലങ്ങൾ ആയിരിക്കുമെന്ന് തോന്നിയത് കൊണ്ട് അത് തന്നെ ആക്കി ലക്ഷ്യം….. കൂടുതൽ ചുറ്റി കറങ്ങാൻ സമയവുമില്ല……. നാളെ വൈകുന്നേരം അമ്മു എത്തുന്നതിനു മുന്നെ തിരിച്ച് എത്തുകയും വേണം…..