ഹോംമേഡ്‌ ലവ്

Homemade Love | Author : Komban

“അച്ഛൻ ഇത്തവണ വരുമെന്നു പറഞ്ഞിട്ടപ്പോ!?”

“ആഹ് നോക്കാം, എനിക്കവിടെയുള്ള സുഹൃത്തുക്കളെല്ലാം ഇവിടെയല്ലേ ശരത്തെ, അതാ ഞാൻ!”

“അതും ശെരിയാ”

“ആട്ടെ, നീയെത്താറായോ?!”

“ഉം ആലുവ കഴിഞ്ഞു.”

“വീണ്ടും വീണ്ടും ചോദിക്കയാണ് എന്ന് വിചാരിക്കല്ലേ, നിനക്ക് ഇടപ്പള്ളീ പോയി നിന്നുടെ അതല്ലേ, ജോലിക്ക് പോവാനുള്ള എളുപ്പം”

“അച്ഛാ അതെനിക്ക്…”

“ശെരി ശെരി, വൈകീട്ട് വിളിക്കുമ്പോ ഞാൻ ഒരു കാര്യം കൂടെ പറയാം, അത് കൂടെ കേട്ടിട്ട് നീ തീരുമാനിക്ക് ഞാൻ വെക്കുവാ…”

കേട്ടില്ലേ, ഭാര്യയുടെ അച്ഛനാ, അവിടെ ഇടപ്പളിയിലെ വീട്ടിൽ ചെന്നു നിൽക്കാൻ പറയുന്നതാണ്, ആണുങ്ങൾ കുറച്ചു അഭിമാനികളല്ലേ, അതുകൊണ്ട് ബന്ധു വീട്ടിൽ വിരുന്നിനു പോയാലും സന്ധ്യക്ക് മുൻപ് തിരികെ വീട് എത്താനല്ലേ നോക്കുക.

ഞാൻ ശരത്, വയസ്സ് 26. ഭാര്യയുടെ പേരാണ് അർപ്പിത. 6 മാസം മുൻപാണ് മാട്രിമോണി വഴി ഞാൻ അർപ്പിതയെ വിവാഹം കഴിച്ചത്. അവളെ വിവാഹം കഴിക്കുമ്പോ കൊച്ചിയിൽ ഉള്ള പെൺകുട്ടിയെ തന്നെ കല്യാണം കഴിക്കണം എന്നുള്ള എന്റെ ചിരകാല സ്വപ്നം മാത്രമല്ല പൂവണിഞ്ഞത്, മറ്റു പലതുമാണ്. അത് കൊണ്ട് കൂടെയാണ് ഞാനിപ്പൊഴീ കഥ നിങ്ങളോടു പറയുന്നതും.

സത്യത്തിൽ എന്റെ മാട്രിമോണി പ്രൊഫൈൽ ആദ്യം കണ്ടതും തന്നെ അവളുടെ അമ്മ അനുരാധക്ക് എന്നെ ഒത്തിരി ഇഷ്ടമായതാണ് ഇടത്തരം സാമ്പത്തിക ചുറ്റുപാടിൽ ഉള്ള എനിക്ക് അർപ്പിതയെ കിട്ടാനുള്ള ഏക കാരണം. അത് കല്യാണത്തിന് ശേഷം അർപ്പിത യാദൃശ്ചികമായെന്നോടു പറഞ്ഞതാണ്.

അർപ്പിതയെ കുറിച്ച് പറഞ്ഞാൽ ഒറ്റമകളാണ്.
വാശിക്കാരിയാണ്, മൃദു സുന്ദരിയാണ്, അതായത് എല്ലാം പാകത്തിന് ഉള്ളവൾ.
അവളുടെ അമ്മ അനുരാധ പൊതുവെ ആളുകളോട് ഇടപഴകുന്നത് വെച്ച് നല്ല ബോൾഡ് ആയ ഒരു സ്ത്രീയാണ്‌ എന്ന കാര്യം ഞാനാദ്യമേ മനസിലാക്കിയിരുന്നു. പക്ഷെ അവളുടെ അച്ഛൻ
ദേവൻ കാണാൻ റഫ് ആണെങ്കിലും രസികനായ ഒരു മനുഷ്യനും. അനുരാധ കോളേജ് പഠിക്കുമ്പോ റാങ്ക് ഹോൾഡർ ഒക്കെ ആയിരുന്നു എന്ന് അമ്മായിച്ഛൻ ഒരിക്കലെന്നോടു പറഞ്ഞിരുന്നു. അർപ്പിതയും അതുപോലെ പഠിക്കാൻ മിടുക്കിയായിരുന്നു. അവൾ പി ജി കംപ്ലീറ്റ് ചെയ്തിട്ടുണ്ടെങ്കിലും, ഇതുവരെയും അവൾക്ക് ജോലി ആയിട്ടില്ല. ഇപ്പോഴും P.S.C എക്സാം/ ബാങ്ക് ടെസ്റ്റ് ഇതെല്ലാം എഴുതി അങ്ങനെ പോവുന്നു. അവൾക്ക് Govt ജോലിയാണ് താല്പര്യം.

അവളുടെ അച്ഛൻ ദേവൻ വർഷങ്ങളായി ഗൾഫിൽ ആണ്. അത്യാവശ്യം നല്ല സമ്പാദ്യവും ഉണ്ട്. അതായത് അവരുടെ വീടിന്റെ അരികിൽ തന്നെ ഒരു വീട് കൂടെ അദ്ദേഹം സ്വന്തം ചിലവിൽ പണിതു വാടകയ്ക്ക് കൊടുത്തിരുന്നു, ഫാമിലികൾക്ക് മാത്രമായിട്ട്‌.