❤️ഐ …ലവ് …മി [മിയ] 146

ഞാൻ പറഞ്ഞാൽ കേൾക്കാതെ ഇരിക്കില്ല , ചിലപ്പോൾ ഇന്ന് എന്നോട് ഇഷ്ടം പറയാൻ ഇരിക്കുകയാവും അവനും .

എന്തായാലും ഇന്ന് അവനോടു സംസാരിക്കണം എന്ന് മനസ്സിൽ ഉറപ്പിച്ചു കൊണ്ടാണ് ക്ലാസ്സിൽ വന്നത് .

എല്ലാവരും പരീക്ഷയുടെ ചൂടിൽ ആയിരുന്നുവെങ്കിലും , ലൈൻ ഉള്ളവർ ഇനി കാണാൻ കഴിയില്ലല്ലോ എന്നുള്ള വിഷമത്തിൽ ആയിരുന്നു .ഞാൻ ഇടക്കിടക്ക് സതീഷിനെ നോക്കിക്കൊണ്ടിരുന്നു , ഒന്ന് മിണ്ടാൻ ആയി ഒരവസരവും കാത്ത് …. അവനും എന്നെ ഇടക്ക് നോക്കുണ്ടായിരുന്നു , ഒരവസരത്തിനായി അവനും വെയിറ്റ് ചെയ്യുവാണ് എന്ന് എനിക്കും മനസ്സിലായി .

ക്ലാസ് കഴിഞ്ഞു എല്ലാരും പോകുന്നതിനു മുന്പായി സതീഷ് എന്റെ അടുത്ത് വന്നു പറഞ്ഞു …

” 5 മിനിറ്റ് കഴിയുമ്പോൾ സ്കൂളിന്റെ പുറകിൽ വരണം ”

അതും പറഞ്ഞു അവൻ വേഗം എന്റെ അടുത്ത് നിന്നും പോയി .

എനിക്കാണെങ്കിൽ കയ്യും കാലും വിറക്കാൻ തുടങ്ങി , കുറച്ചു സമയത്തിനുള്ളിൽ ഞങ്ങൾ ഇഷ്ടം തുറന്നു പറയും …. ഞാൻ എന്തായാലും ആദ്യം പറയില്ല , അവൻ പറയട്ടെ … അങ്ങനെ ആണല്ലോ വേണ്ടത് .

ഞാൻ വേഗം സ്കൂളിന്റെ പുറകിലേക്ക് നടന്നു , ലൈൻ ഉള്ളവർ ക്ലാസ് കഴിഞ്ഞൊക്കെ അങ്ങോട്ട് എപ്പൊഴും പോകാറുള്ളതാണ് . ഞാൻ ഇത് വരെ അങ്ങോട്ട് പോയിട്ടില്ല , ആദ്യമായിട്ടാണ് പോകുന്നത് ….

സ്കൂളിന്റെ പുറകുവശം ആയതു കൊണ്ടുതന്നെ അവിടെ വേറെ വീടോ കെട്ടിടങ്ങളോ ഒന്നും ഉണ്ടായിരുന്നില്ല , കാടു പിടിച്ചു കിടക്കുവായിരുന്നു . അങ്ങോട്ട് ചെന്നപ്പോഴേക്കും മൂത്രത്തിന്റെ കെട്ട മണം അടിക്കാൻ തുടങ്ങി .

” അയ്യേ ഇവിടെ ആണോ എല്ലാരും വന്നു ഇരിക്കുന്നത് , ഇങ്ങോട്ട് വരാൻ പോലും പറ്റില്ലല്ലോ , എന്ത് നാറ്റം ആണ് ….”

ഞാൻ സ്വയം പറഞ്ഞു കൊണ്ട് നിൽക്കുമ്പോൾ , ആരോ എന്റെ കയ്യിൽ പിടിച്ചു വലിച്ചു കൊണ്ട് മുന്നോട്ട് നടന്നു …… നോക്കുമ്പോൾ സതീഷ് ആണ്.

കുറച്ചു കൂടെ മുന്നോട്ട് പോയി ,അവിടെ മുഴുവൻ കാട് പിടിച്ചു കിടക്കുകയാണ് . എനിക്ക് പേടി തോന്നി , ഇനി വല്ല പാമ്പും കാണുമോ ?