_____________________________________
ഇന്നാണ് നിഖിലിന്റെ പെങ്ങൾ നിഖിതയുടെ മൈലാഞ്ചി കല്യാണം…
അതിന് പോകാനായി ഉള്ള വട്ടം കൂട്ടലിൽ ആണ് അമ്മുവും ചിന്നുവും കൂടെ….
ഒരു ക്രീം കളർ സെറ്റിന്റെ ക്രോപ്ടോപ്പും സ്കെർട്ടും ആണ് രണ്ടിന്റെയും വേഷം…അതും ലളിതമ്മേടെ സ്ട്രിക്ട് ഓർഡർന്റെ പുറത്ത് മായ സെറ്റ് സാരി വെട്ടി തയ്ച്ചതാണ്…ടോപ്പിൽ ബീഡ്സ് വർക്കും..സെറ്റ് സാരി അങ്ങനേ ഉടുത്താൽ പോരെയെന്ന് ചോദിച്ചുനോക്കിയതാണ് അപ്പോ സാരിയുടുത്തു ചെന്നിട്ടു ആരേലും കല്യാണം ആലോചിച്ചാൽ ആ വഴിക്ക് കെട്ടിച്ചുവിടുമെന്ന ഡയലോഗിൽ എന്നത്തേയുംപോലെ ചിന്നു അടങ്ങി…
വല്യ കാര്യമായ ഒരുക്കം ഒന്നുമില്ല….ഒരു സാധാ ചടങ്ങാണ് അടുത്തുള്ളവരും അടുപ്പമുള്ളവരും കുടുംബക്കാരും മാത്രം ചേർന്നുള്ളത്….
രോഗികളായ അച്ഛനെയും അമ്മയെയും നോക്കി പ്രാരാബ്ധത്തിന്റെ കൂടുമായി നിൽക്കുന്ന നിഖിൽ ഒരു വിധം ആണ് ഈ കല്യാണം നടത്തുന്നത് തന്നേ…
നിഖിത ടൗണിലെ അക്ഷയ സെന്ററിൽ ജോലി ചെയ്യുമ്പോൾ അവിടെ വന്നു കണ്ടിഷ്ടപ്പെട്ട പയ്യൻ ആണ്…
സ്ത്രീധനം ഒന്നും വേണ്ടെന്ന് പറഞ്ഞു വന്നതുകൊണ്ടാണ് ജോലി കിട്ടി കുറച്ചുകാലം കഴിഞ്ഞു മതിയെന്ന് പറഞ്ഞു നിന്നിരുന്ന നിഖിത സമ്മതിച്ചത് തന്നേ…താനൊരാള് മാറിക്കിട്ടിയാൽ അവനത്രേം ആശ്വാസം ആകുമല്ലോന്നോർത്തു…
ലളിതമ്മയുടെ വകയായി ആ ചേട്ടന്റെ കഷ്ടപ്പാടിന്റെ കഥയും കേട്ട് ഓട്ടോയിൽ നാലുപേരും കൂടെ കല്യാണവീടിലേക്കെത്തി….
അടുത്തടുത്തു തൊട്ടുതൊട്ടെന്ന പോലെ ധാരാളം വീടുകൾ ഉള്ളിടത്തു വെളിച്ചത്തിൽ കുളിച്ചുനിൽപുണ്ട് കല്യാണ വീട്….
kollam bro next part waiting
ആശംസകൾ
വ്യോമകേശൻ
അനാമികാ
ഉത്തേജക കരമായ എഴുത്ത്.കഥാപാത്രങ്ങൾക്ക് മിഴിവെകാൻ ശ്രദ്ധിക്കുന്നതിൽ അഭിനന്ദനം. പരീക്ഷ കഴിഞ്ഞോ. നന്നായി എഴുതിയിരിക്കുമെല്ലോ. വിജയാശംസകൾ.