മഴനീർതുള്ളികൾ 4 [Anamika] 947

ഹരി കിട്ടിയത് തികയാതെ രുചിപിടിച്ചു തന്നെ നിലപാണ്…..

 

“ടാ…..” ഒട്ടൊരുനിമിഷം കഴിഞ്ഞ് അമ്മു വിളിച്ചു….

 

“മ്മ്മ്…”

 

“എനിക്ക്…..കുറച്ചൂടെ സമയം വേണം…..”

 

“എത്ര വേണേൽ എടുത്തോ….കാത്തിരുന്നോളാം ഞാൻ….പക്ഷേ ഇതിനെന്നോട് പിണങ്ങല്ല്….ആ ഒരു ആർത്തികൊണ്ട് പറ്റിപോയതാ….”

 

അമ്മു ഒന്നും മിണ്ടാതെ ഇരുട്ടിൽ അവനെ തപ്പിപിടിച്ചു…അവൻ അവളെ വലിച്ചു പുണർന്നു….

 

“വിശക്കുന്നെടി…..” അഴിഞ്ഞുകിടക്കുന്ന സിബിൽ തെരുപിടിപ്പിച്ചു പറഞ്ഞതും അമ്മുവിന് അടിവയറ്റിൽ നിന്നും ഒരാളൽ പൊന്തി….

 

“ചൊറിരിപ്പുണ്ടോ….” സിബ് കയറ്റിയിട്ടുകൊണ്ട് ചോദിച്ചതു കേട്ടപ്പോൾ ആശ്വാസത്തോടെ നെഞ്ചിൽ കൈവെച്ചു….

 

“ചോറും കറീം എല്ലാം ഉണ്ട്….നീ കഴിച്ചില്ലാലോ കാര്യമായിട്ട്….”

 

അടുക്കളയിലേക്ക് കയറി….

 

ഹരിയൊരു മെഴുകുതിരി തപ്പിയെടുത്തു….ഇനി ഫോൺ തപ്പിപോകാൻ ഒന്നും വയ്യാ…

 

അതിന്റെ തിരി അല്പം നുള്ളി കളഞ്ഞിട്ട് കത്തിച്ചു…ചെറിയ നാളത്തിൽ നിന്നും അരണ്ട വെളിച്ചം അടുക്കളയിൽ പരന്നു….

 

അമ്മു ഫ്രിഡ്ജ് തുറന്ന് ചോറും കറികളുമെടുത്തു…..

ചൂടാക്കാൻ ആഞ്ഞപ്പോൾ ശബ്ദം ഉണ്ടാകുമെന്നും പറഞ്ഞു ഹരി സമ്മതിച്ചില്ല…

 

തണുത്തു മരച്ച ചോറ് കൊടുക്കാൻ മനസുവരാഞ്ഞിട്ട് മായ ഫ്ലാസ്കിൽ തിളപ്പിച്ചിട്ട ചൂടുവെള്ളം ഒഴിച്ചു ചോറിന്റെ ചൂടുമാറ്റിയെടുത്തു അമ്മു….

 

തോരനും ഒരു പാത്രത്തിൽ നിരത്തി പ്ലേറ്റിൽ ചൂടുവെള്ളം ഒഴിച്ച് പാത്രം അതിനുമുകളിൽ വെച്ചു….

 

പിഴിഞ്ഞെടുത്ത ചൊറിലേക്ക് അല്പം ഉപ്പും വെളിച്ചെണ്ണയും തൂവി തോരൻ ഇട്ടിളക്കി….