ശിവാത്മീക [MOON WALKER] 79

അവൻ ആകാശത്തു മിന്നുന്ന നക്ഷത്രത്തെ ചൂണ്ടി കാണിച്ചുകൊണ്ട് പറഞ്ഞു.. ശിവ ഒരു നിമിഷം ഒന്ന് ആലോചിച്ചു ഞാൻ അനുഭവിക്കുന്ന വേദനെക്കാൾ എത്രയോ ഇരട്ടി വേദന ഇവൻ അനുഭവിക്കുന്നു. അതും അവന്റെ പ്രണയത്തിനു വേണ്ടി ഈ സമൂഹം എന്തിനാണ് ഈ പ്രണയത്തിനെ എതിർക്കുന്നത്…..

” കരയാതെ വിഷ്ണു വിധി ചിലപ്പോൾ അങ്ങനാണ് നമ്മൾ എത്ര തീവ്രമായി ഒന്നിനെ ആഗ്രഹിക്കുന്നോ അതിനെ നമ്മളിൽ നിന്നും അകറ്റും..എത്ര നിഷ്കളങ്ക പ്രണയവും ഒരു നൂൽ ബന്ധത്തിലാണ് നിൽക്കുന്നത് എപ്പോൾ പൊട്ടും എന്ന് ആർക്കും പറയാൻ സാധിക്കില്ല “”

ശിവ അവനെ അശ്വസിപ്പിച്ചുകൊണ്ട് പറഞ്ഞു….

“ശിവ അവൾ ഇപ്പോഴും എന്റെ കൂടെ തന്നെ ഉണ്ട് എന്ന ഒരു തോന്നലിൽ ആണ് ഞാൻ ജീവിക്കുന്നത് ഇല്ലങ്കിൽ ഞാനും എന്നേ ഈ മണ്ണിൽ അലിഞ്ഞു ചെരേണ്ടതായിരുന്നു “”

വിഷ്‌ണു കണ്ണിൽ നിന്ന് മാഞ്ഞു പോകുന്ന സുരിയനെ നോക്കി പറഞ്ഞു….

“ആരെത്ര ഉറക്കെ വിളിച്ചാലും ചങ്കുപൊട്ടി കരഞ്ഞാലും ഒരിക്കലുമുണരാത്ത നിദ്ര. മരണമെന്ന പേരിനാൽ നിശബ്ദം! ആണ് വിഷ്‌ണു “”.

ശിവ പറഞ്ഞു..

” പറ ശിവ നിങ്ങൾക്കും ഇല്ലായിരുന്നോ ഒരു പ്രണയം എന്റെ കഥ കെട്ടിരുന്നപ്പോൾ ഞാൻ അത് ശ്രദ്ധിച്ചു നിങ്ങളുടെ കണ്ണുകളിൽ””

“അതെ വിഷ്ണു എനിക്കും ഉണ്ടായിരുന്നു ഒരു പ്രണയം… ഉണ്ടായിരുന്നു എന്നല്ല ഇപ്പോഴും ഉണ്ട് ആ പ്രണയം വയസിൽ എന്റെ ഹൃദയത്തിൽ മൊട്ടിട്ട പ്രണയം ഒരു 18 വയസ്സുകാരിയോട് തോന്നിയ ആദ്യ പ്രണയം എന്ന വികാരം… എന്നാൽ””……..