അമ്മുവിൻ്റെ കൂടെ ഹാളിൽ എത്തിയ ഞാൻ ഡൈനിങ് ടേബിളിൽ ഇരിക്കുന്ന ആളെ കണ്ട് ഞെട്ടി പോയി….

Soul Mates Part 3

Author : Rahul RK | Previous Part

Episode 04 Journey to Chennai

 

ഡൈനിങ് ടേബിളിൽ ഇരുന്നു ചായ കുടിക്കുന്നത് വേറെ ആരും ആയിരുന്നില്ല അവള് ആയിരുന്നു… ആതിര……

 

എന്നെ കണ്ടതും അവള് പുച്ഛത്തോടെ ഒന്ന് തല വെട്ടിച്ച് വീണ്ടും ചായ കൂടി തുടർന്നു..

അവളിൽ നിന്ന് കൂടുതൽ ഒന്നും ഞാൻ പ്രതീക്ഷിച്ചിരുന്നില്ല…

 

ഞാൻ അമ്മുവിന് നേരെ തിരിഞ്ഞു…

 

“ഈ മാരണം എപ്പോൾ വന്നു കേറി..??”

 

“വന്നിട്ട് കുറച്ച് നേരമായി.. യാത്ര പറയാൻ വന്നതാ…”

 

“യാത്രയോ..?? ഇവൾ എന്താ നാട് വിട്ട് പോവാണോ..??”

 

“ചേച്ചിക്ക് ചെന്നൈയില് കോളേജിൽ അഡ്മിഷൻ കിട്ടിയില്ലേ അതിനു ജോയിൻ ചെയ്യാൻ അങ്ങോട്ട് പോവാണ് എന്ന്…”

 

“ഓഹോ…”

 

അമ്മു അത് പറഞ്ഞപ്പോൾ ആണ് ഞാൻ ഏട്ടൻ ഇന്നലെ പറഞ്ഞ ചെന്നൈയിലെ കമ്പനിയെ കുറിച്ച് ഓർത്തത്…