മൃഗം 26 [Master]
📝 Ongoing
👁 213702 views ❤ 493 likes ⭐ 0.0 rating 💬 10 comments 📚 1 chapters 📅 2019-11-01
മൃഗം 26 Mrigam Part 26 Crime Thriller Novel | Author : Master Previous Parts “മോളെ സുറുമി..ഈ മീന് കൊണ്ട് പോ..” കച്ചവടം കഴിഞ്ഞെത്തിയ അബുബക്കര് ഒരു ഇടത്തരം വലിപ്പമുള്ള നെയ്മീന് തന്റെ മീന്പെട്ടിയില് നിന്നും എടുത്തു മകളെ വിളിച്ചു പറഞ്ഞു. അപ്പോഴേക്കും അയാളുടെ ഇളയ മകന് സഫീര് ഓടി അടുത്തെത്തി; പതിമൂന്ന് വയസാണ് അവന്. “വാപ്പച്ചി..സുഖിയന്..” അവന് കൈ നീട്ടിക്കൊണ്ട് പറഞ്ഞു. അബുബക്കര് ചിരിച്ചുകൊണ്ട് ഒരു പൊതിയെടുത്ത് അവന് നല്കി. എന്നും ജോലി കഴിഞ്ഞു വരുമ്പോള് ഒരു പലഹാരപ്പൊതി മക്കള്ക്ക് വേണ്ടി അയാള് വാങ്ങിവരും. ഇന്ന് സുഖിയന് വേണമെന്നായിരുന്നു സഫീര് ആവശ്യപ്പെട്ടിരുന്നത്. “മോനെ ഇന്ന് ഞമ്മക്ക് സുഖിയന് കിട്ടീല്ല..പരിപ്പ് വടയാ..അന്റെ ഇത്തമാര്ക്കും ഉമ്മാക്കും കൊടുക്ക്..” അയാള് പറഞ്ഞു. പതിനേഴു വയസു പ്രായമുള്ള മകള് സമീറ അയാളുടെ കൈയില് നിന്നും മത്സ്യം വാങ്ങി ഉള്ളിലേക്ക് പോയി. “സുറുമി എവിടെ മോളെ?” “കുളിക്കുവാ വാപ്പച്ചി..” പോകുന്ന വഴിക്ക് സമീറ പറഞ്ഞു. സഫീര് വടകളുമായി ഉള്ളിലേക്ക് പോയിക്കഴിഞ്ഞിരുന്നു. അബുബക്കര് മത്സ്യം ഇടുന്ന വലിയ പെട്ടി സ്കൂട്ടറില് നിന്നും ഇറക്കി കഴുകാന് വച്ചു. “ഇങ്ങളെന്തേ ഇന്ന് ബരാന് ബൈകീത്..ന്നാ ചായ” അയാളുടെ ഭാര്യ ഒരു സ്റ്റീല് ടംബ്ലാറില് ചായ നീട്ടിക്കൊണ്ട് പറഞ്ഞു. അബുബക്കര് അതുവാങ്ങി മെല്ലെ ആ ചെറിയ വീടിന്റെ വരാന്തയിലേക്ക് ആശ്വാസത്തോടെ ഇരുന്നു.
ഇന്ദു ലേഖ മാഡത്തിനെ ഇങ്ങനെ പാവ പോലീസ് ആക്കല്ലേ.... കഥയിൽ എങ്കിലും പെണ്ണുങ്ങൾ ഇത്തിരി ഇടി ഒക്കെ കൊടുത്ത് ഒറിജിനൽ പോലീസ് ആകട്ടെ