🔥ഏദൻ തോട്ടത്തിന്റെ കാവൽക്കാരൻ 13🔥[സഞ്ജു സേന] 1568

തുടരെയുള്ള ചോദ്യങ്ങളിൽ അമ്മയെല്ലാം തുറന്നു പറഞ്ഞു.. അപ്പയ്ക്ക് അത് വലിയ ഷോക്കായി, ആളുടെ ഒരു വശം തളർന്നു.. ഹോസ്പിറ്റലിൽ നിന്നു അപ്പയെ ഡിസ്ചാർജ് ചെയ്തു വന്ന ദിവസം ഞാൻ അമ്മയെ പിടിച്ചു വലിച്ചു മുറിയിലേക്ക് കൊണ്ട് പോകാൻ നോക്കിയതാണ് , അത് വരെ കാണാത്ത രൗദ്ര ഭാവത്തോടെ അവർ അവിടെ കിടന്ന ഫ്ലവർ വെയിസ് എന്‍റെ തലയിലേക്ക് ആഞ്ഞടിച്ചു.. പിന്നെ ബോധം വരുമ്പോൾ ഞാനൊരു മെന്റൽ ഹോസ്പിറ്റലിൽ ആയിരുന്നു,,നാളുകൾ കഴിഞ്ഞിട്ടും ആരുമെന്നെ കാണാൻ വന്നില്ല, ഞാനതു ആഗ്രഹിച്ചുമില്ല ..പിന്നെ ഒരു നാൾ അവിടെ നിന്നു ചാടി കുറച്ചു പണം സംഘടിപ്പിക്കാൻ വീട്ടിലേക്ക് ചെന്നെങ്കിലും അത് പൂട്ടിയിരുന്നു.. അതോടെ തല ചായ്ക്കാൻ പോലും ഇടമില്ലാതെ കുറച്ചു ദിവസങ്ങൾ എവിടെയൊക്കെയോ അലഞ്ഞു നടന്നു.. അങ്ങനെയാണ് അന്ന് ഡോർ റ്റു ഡോർ സെയിൽ നടത്തുകയായിരുന്ന അരുണിനെ കണ്ടു മുട്ടിയത്… ….ഒറ്റ നോട്ടത്തിൽ എന്നിലെ അസുരനെ അവൻ കണ്ടെത്തി ….അതൊരു തുടക്കമായിരുന്നു ……ഇഷ്ട്ടം പോലെ നിയന്ത്രണങ്ങളില്ലാതെ ജീവിച്ചു ഭോഗിച്ചു ,ഇരകളുടെ വേദന ആവോളം ആസ്വദിച്ചു …. വയസ്സായി എവിടെയെങ്കിലും പട്ടിയെ പോലെ കിടന്നു ചാകുന്നതിലും നല്ലതു ഇത് പോലൊരു മരണമാണ് …. …താങ്ക്സ് അർജുൻ …താങ്ക്സ് നീയെനിക്ക് വെള്ളം തന്നു ,വലിക്കാൻ സിഗരറ്റ് തന്നു ,,ഇവിടെ നിന്നും രക്ഷപ്പെട്ടാൽ നിന്നെ മാത്രമല്ല പിന്നിൽ ഒളിച്ചു നിൽക്കുന്ന നിന്റെ പെങ്ങളെ,കുടുംബത്തെ സഹായിച്ചവരെ ഒക്കെ കലിതീരും വരെ ഇഞ്ചിഞ്ചായി കൊത്തിനുറുക്കും ..എങ്കിലും ആദ്യമായി ഒരു മനുഷ്യജീവിയോട് സ്നേഹം തോന്നുന്നു ,,,അനുസരിക്കാൻ തോന്നുന്നു ….ഇവിടെയിങ്ങനെ ഇരിക്കുമ്പോൾ വെറുതെ ചിന്തിച്ചു പോയി നിന്നെ പോലൊരു അനിയൻ എനിക്കുണ്ടായിരുന്നെങ്കിൽ എന്ന് ,,ആ പോട്ടെ …..എന്തായാലും ഈ ജന്മത്തിൽ ഇനിയെന്നെ കാണാനിട വരരുതേയെന്നു പ്രാർത്ഥിച്ചോളു …”

മറുപടിയൊന്നും പറയാതെ ഒന്നവനെ നോക്കി പുഞ്ചിരിച്ചു ഭയന്നു നിന്ന ചേച്ചിയെ ചേർത്ത് പിടിച്ചു പുറത്തേക്കിറങ്ങി ..

”എന്തായി അർജുൻ ,,കുമ്പസാരം കഴിഞ്ഞോ ?”

നിറച്ച ഗ്ലാസ്സുകളിലൊന്ന് എനിക്ക് നീട്ടിക്കൊണ്ടു വാസുകി അടുത്തേക്ക് വന്നു ..

”ചെകുത്താൻ കുമ്പസാരിക്കുന്നതിനെ കുറിച്ച് മാഡം എവിടെയെങ്കിലും കേട്ടിട്ടുണ്ടോ ..”

”ഹ ഹ …ചെക്കൻ പഠിച്ചു വരുന്നുണ്ടല്ലോ ബാലേട്ടാ …”

ബാലേട്ടൻ മറുപടി പറയാതെ എന്നെ നോക്കി ഒന്ന് കണ്ണിറുക്കുക മാത്രം ചെയ്തു .ചേച്ചി കൂടെ നിൽക്കുന്നത് കൊണ്ട് വാസുകി നീട്ടിയ ഗ്ലാസ് സ്നേഹപൂർവ്വം നിരസിച്ചു ഇനിയെന്തെങ്കിലുമുണ്ടോ എന്ന ഭാവത്തിൽ ഇരുവരെയും മാറിമാറി നോക്കി ..

”ചേച്ചി കൂടെയുള്ളതല്ലേ , പൊയ്ക്കോളൂ …കൊണ്ട് പോകേണ്ട റൂട്ട് ഇനിയും തീരുമാനിച്ചിട്ടില്ല ,ആവശ്യമുണ്ടെങ്കിൽ ഞാൻ വിളിക്കാം, ഇവിടം മൊത്തം പിള്ളേര് വൃത്തിയാക്കിക്കൊള്ളും ,എങ്കിലും രാവിലെ വന്നൊന്നു നോക്കണം , ..പിന്നെ ……”

ബാലേട്ടൻ പിന്നാലെ ചെല്ലാൻ ആംഗ്യം കാണിച്ചു ..

”വൈത്തിയുടെ വണ്ടിയിൽ നിന്ന് കിട്ടിയ പെൻഡ്രൈവുകളാണ് ,ചെക്ക് ചെയ്യണം നഷ്ടപ്പെടരുത് ”

ബാലേട്ടൻ തന്ന കവർ ഭദ്രമായി പോക്കറ്റിലിട്ടു അവരോടു യാത്ര പറഞ്ഞു ഞാൻ ചേച്ചിയെയും കൊണ്ട് മേലേക്ക് നടക്കണ തുടങ്ങി ..

”അർജുൻ, മോനെ ഇവിടെ എന്തൊക്കെയാടാ നടക്കുന്നത്, എനിക്കൊന്നും മനസ്സിലാകുന്നില്ല , ”

”തൽക്കാലം ചേച്ചി ഒന്നും മനസ്സിലാക്കേണ്ടാ, വാ നമുക്ക് പോകാം,, ”

”നീ ,, മോനെ ഒന്നും വേണ്ടാ , അവനെ തുറന്നു വിട്ടേക്ക്, കൃഷ്ണാ എനിക്ക് കയ്യും കാലും വിറയ്ക്കുന്നു.”