കാഞ്ഞിരക്കുറ്റി 11 [ലസ്റ്റർ] [Climax] 71

അമ്മുവും രാജന്റെ കൂടെ വന്ന മൂന്നു യുവാക്കളും ആ ദൃശ്യം കണ്ടു നടുങ്ങിപ്പോയി. വിഭ്രാന്തിപിടിച്ചു കണ്ണുകൾ തുറിച്ചു നാവ് കടിച്ചു മുറിച്ചു വലിഞ്ഞുമുറുകി ആരോ പിന്നിലേക്ക് പിടിച്ചു ഒടിച്ചത് പോലെ മരവിച്ചു കിടക്കുന്ന ശരത്തിന്റെ ശവശരീരം നോക്കി അവർ ചലനമറ്റ് നിന്നുപോയി.

“അമ്മൂ, മോള് ഇവരെയും കൊണ്ട് വേഗം തറവാട്ടിലേക്ക് പൊയ്ക്കോ. എന്റെ വണ്ടിയിൽ ട്രാവൽ ബാഗുണ്ട്.ഞാനിപ്പോ കൊണ്ടുവരാം.”

രാജൻ അമ്മുവിനോട് പറഞ്ഞു. എന്നിട്ട് എങ്ങോട്ടൊ മറഞ്ഞു. കുറച്ച് കഴിഞ്ഞു കൈയിൽ വലിയൊരു ബാഗും ഒരു പ്ലാസ്റ്റിക് കവറും കൊണ്ടു അവരുടെ അടുത്തെത്തി. മൂന്നു യുവാക്കളും ചേർന്ന് ശരത്തിന്റെ രക്തംശരീരം ആ സഞ്ചിയിലാക്കി കെട്ടി ബാഗിൽ കടത്തി ബൊലേറോയിൽ എടുത്തിട്ടു. അമ്മുവും അവരോടൊപ്പം ആ വാഹനത്തിൽ കയറി.

“ഇവർ നമ്മുടെ തറവാടിന്റെ അടുത്തുള്ളവർ തന്നാ. എന്ത് സഹായത്തിനും അവർ കൂടെയുണ്ടാവും. ഞാൻ അവർക്ക് വേണ്ടത് ചെയ്തു കൊടുക്കുന്നുണ്ട്.”

വണ്ടിയുടെ മുൻസീറ്റിൽ ഇരിക്കുന്ന അമ്മുവിനോട് രാജൻ പറഞ്ഞു. അവൾ തലയാട്ടി. അമ്മു പക്ഷെ ആ യുവാക്കൾ തന്റെ ശരീരത്തെ ആർത്തിയോടെ നോക്കുന്നത് അറിഞ്ഞില്ല. തങ്ങൾ കൊന്നു തള്ളിയ ശരീരം എങ്ങിനെയും ഒഴിവാക്കുക എന്ന ചിന്ത മാത്രമേ അവളുടെ മനസ്സിൽ ഉണ്ടായിരുന്നുള്ളൂ. വാഹനം രാജനെ കടന്ന് പിന്നിലേക്ക് നീങ്ങി റോഡിലേക്ക് പ്രവേശിച്ചു ഇരുണ്ടു തുടങ്ങിയ സന്ധ്യയിലൂടെ ശരത്തിന്റെ ശവവും പേറി പാഞ്ഞുപോയി. തന്റെ വാഹനത്തിന്റെ അടുത്തേക്ക് നടന്ന രാജൻ കാറിൽ കയറി അവർ പോയ വഴിയിലേക്ക് വാഹനം ഓടിച്ചു.