ലവ് ബൈറ്റ് 8 [കാവൽക്കാരൻ] 873

“എന്താടാ… നിനക്കെന്താ വയ്യേ.?”

എന്റെ മുഖത്ത് നോക്കി വല്ലാത്തൊരു അന്ധാളിപ്പോടെ അവൻ ചോദിച്ചു.

ഞാൻ പെട്ടെന്ന് എന്റെ ആ ഇളി നിർത്തി.

സുമനൻ ഇത് വല്ലതും ശ്രദ്ധിക്കുന്നുണ്ടോ എന്ന് നോക്കിയിട്ട്, കിരണിന്റെ അടുത്തേക്ക് നീങ്ങിയിരുന്ന് വളരെ ഗൗരവത്തിൽ, ശബ്ദം താഴ്ത്തി ഞാൻ ചോദിച്ചു:

“എടാ കിരണാ… അതല്ല, നിന്റെ വീട്ടിൽ ഈ കഞ്ചാവിന്റെ ചെറിയ വല്ല മാറ്റും ഇരിപ്പുണ്ടോ?”

ഇതുകേട്ടതും കിരൺ കണ്ണ് രണ്ടും തള്ളി എന്നെ നോക്കി! കുറച്ചുകാലം മുൻപ് വരെ വെള്ളമടിക്കുന്നവരെയും പുകവലിക്കുന്നവരെയും ഉപദേശിച്ച് നന്നാക്കാൻ നടന്നിരുന്ന ഞാൻ പെട്ടെന്ന് ഒരു സുപ്രഭാതത്തിൽ കഞ്ചാവ് ചോദിക്കുന്നത് കേട്ടാൽ ഏത് കൂട്ടുകാരനായാലും ഒന്ന് ഞെട്ടും.

പിന്നെ എന്നെ അടിമുടി നോക്കി വലിയൊരു പുച്ഛച്ചിരിയോടെ അവൻ പറഞ്ഞു തുടങ്ങി:

“ഓ… പിന്നെന്താ! ഞാൻ എന്റെ വീടിന്റെ ചുറ്റും ഒരേക്കറിൽ കഞ്ചാവ് കൃഷിയല്ലേ നടത്തുന്നത്! നീ നേരെ വീട്ടിലേക്ക് വന്നാൽ മതി, ഞാൻ നല്ല സൂപ്പർ സാധനം വെട്ടി ഉണക്കി വെച്ചിട്ടുണ്ട്… എടുത്തു തരാം.”

വളരെ ഡീസന്റായി അങ്ങനെ കളിയാക്കി പറഞ്ഞതിന് ശേഷം, പെട്ടെന്ന് അവന്റെ മുഖത്തെ ഭാവം മാറി. ദേഷ്യം കൊണ്ട് അവൻ പല്ലിറുമ്മി എന്റെ മുഖത്തേക്ക് നോക്കി പറഞ്ഞു:

“എടാ പുണ്ടച്ചി മോനേ… നീ എന്റെ വായിലിരിക്കുന്നത് കേൾക്കരുത്! എവിടുന്നാടാ നിനക്ക് പെട്ടെന്ന് ഇങ്ങനത്തെ അറുബോറൻ ആഗ്രഹങ്ങളൊക്കെ വരുന്നത്? മര്യാദയ്ക്ക് ആ ചായയും കുടിച്ച് എഴുന്നേറ്റ് പോവാൻ നോക്കടാ മൈരേ…!”