കാര്യങ്ങളുടെ കിടപ്പുവശം കേട്ടപ്പോൾ എന്റെ കിളി മൊത്തത്തിൽ പറന്നുപോയി. എന്റെ ചോദ്യങ്ങൾക്ക് കൃത്യമായ ഉത്തരമാണ് ഇപ്പോൾ സുമനൻ തന്നുകൊണ്ടിരിക്കുന്നത്. ഇവനെ എങ്ങനെയെങ്കിലും സോപ്പിട്ട് നിർത്തിയാൽ മാത്രമേ എന്റെ പൊണ്ടാട്ടിയെപ്പറ്റിയുള്ള ബാക്കി രഹസ്യങ്ങളും എനിക്ക് മനസ്സിലാക്കാൻ കഴിയൂ!
“എടാ സുമനാ… അപ്പൊ ഇവരെ കൊ… കൊ… കൊല്ലാൻ വല്ല വഴിയുമുണ്ടോ?”
വിക്കി വിക്കി വളരെ പതുക്കെ, കിരൺ കേൾക്കാത്ത ശബ്ദത്തിൽ ഞാൻ അവനോട് ചോദിച്ചു.
എന്റെയാ ചോദ്യം കേട്ടതും സുമന നാരായണന്റെ മുഖത്തെ ആ പ്രൊഫസർ ഭാവം പെട്ടെന്നങ്ങ് മാറി. അവൻ എന്റെ മുഖത്തേക്ക് ഒന്ന് സൂക്ഷിച്ചു നോക്കിയിട്ട്, ഒട്ടും പ്രതീക്ഷിക്കാത്ത രീതിയിൽ തനി ഒരു ലോക്കൽ ഗുണ്ടയെപ്പോലെ പറഞ്ഞു:
“പൊന്നുമോനെ… നിന്നെക്കൊണ്ടൊന്നും കൂട്ടിയാകൂടില്ല!”
അതുവരെ ഫോണിൽ നോക്കിയിരുന്ന കിരൺ ഇതുകേട്ടതും ഞെട്ടിത്തരിച്ചു തലയുയർത്തി. പ്ലസ്ടുവിന് പഠിക്കുമ്പോൾ ഒരു ഉറുമ്പിനെപ്പോലും നോവിക്കാത്ത, എപ്പോഴും ഇംഗ്ലീഷ് മാത്രം സംസാരിക്കുന്ന സുമന നാരായണൻ പെട്ടെന്ന് ഒരു കൊടും ലോക്കൽ കച്ചറയായത് കണ്ട് ഞാനും കിരണും അവനെത്തന്നെ വായും പൊളിച്ച് നോക്കിയിരുന്നു.
ഞങ്ങളുടെ ആ നോട്ടം കണ്ടപ്പോഴാണ് അവന് തനിക്ക് പറ്റിയ അബദ്ധം മനസ്സിലായത്. അവൻ പെട്ടെന്ന് ഒന്ന് തൊണ്ടയനക്കി, ഉച്ചത്തിൽ ഒന്ന് കുരച്ചുകൊണ്ട്, കണ്ണടയൊക്കെ നേരെയാക്കി വീണ്ടും പഴയ ഡീസന്റ് സുമനനായി മാറി.
“അ… അത്… ഐ മീൻ… ഇറ്റ്സ് പ്രാക്ടിക്കലി ഇംപോസിബിൾ അഭി.”
bro❤️… ബാക്കി എഴുതി ഇടണേ🙏.. എന്നും വന്നു നോക്കും പുതിയ ഭാഗം വന്നോ എന്ന് 😊..
അങ്ങനെ poorthikarikkatha kadhakalkkidayilekku onnu koodi😐
next part??
ഇതിന്റെ ബാക്കി വരുമോ,,,?
❤️👍🏻