മാളവിക 8 [Abhisha] 132

​”അല്ല അർജുൻ, ഞാൻ വീട്ടിലേക്ക് പോകുന്ന വഴിയാ. അമ്മായിക്ക് ഇന്ന് ഡിസ്ചാർജ് കിട്ടിയില്ല. വൈകുന്നേരം ഡോക്ടർ വന്ന് നോക്കിയപ്പോൾ ബിപി ഒന്നുകൂടി ചെക്ക് ചെയ്യണം, അതുകൊണ്ട് നാളെ ഡിസ്ചാർജ് തരാം എന്ന് പറഞ്ഞു. അച്ഛനും അമ്മയും അവിടെ അമ്മായിക്ക് കൂട്ടിരിക്കുകയാണ്,” മാളവിക പറഞ്ഞു.

​”ആണോ… അപ്പോൾ ഇന്ന് രാത്രി ചേച്ചി വീട്ടിൽ ഒറ്റയ്ക്കായിരിക്കുമല്ലേ? ചേച്ചി വണ്ടിയിലാണോ ഇപ്പോൾ?”​”അതേടാ… വഴിയിൽ വെച്ച് വണ്ടിയുടെ ടയർ പഞ്ചറായി ഞാൻ ആകെ പെട്ടുപോയിരുന്നു. ജനവാസമില്ലാത്ത വഴിയായിരുന്നു. ഭാഗ്യത്തിന് നമ്മുടെ സ്കൂളിലെ വിനോദ് സാർ ആ വഴി വന്നതുകൊണ്ട് പുള്ളി മെക്കാനിക്കിനെ ഒക്കെ വിളിച്ച് ടയർ മാറ്റി തന്നു.

അതുകൊണ്ട് ഇപ്പോൾ ഞാൻ വണ്ടി എടുത്ത് വീട്ടിലേക്ക് പൊയ്ക്കൊണ്ടിരിക്കുകയാണ്. അത് മാത്രമല്ല, നാളെ സ്കൂളിൽ എഇഒ ഓഫീസിൽ നിന്നുള്ള വലിയ ഓഡിറ്റിംഗ് ഉണ്ട്. പ്രിൻസിപ്പൽ കലിപ്പിലാണ്. ഞാൻ ചെയ്യേണ്ട ഒത്തിരി പേപ്പർ വർക്കുകൾ വീട്ടിലെ ലാപ്‌ടോപ്പിലാണ് കിടക്കുന്നത്. ഇന്ന് രാത്രി ഉറങ്ങാതെ ഇരുന്ന് അതെല്ലാം തീർക്കണം.”

​”അയ്യോ… അത്രയ്ക്ക് തിരക്കാണോ. സൂക്ഷിച്ചു വണ്ടി ഓടിക്ക് ചേച്ചി ,” അർജുൻ ആശ്വസിപ്പിച്ചു. അതിനുശേഷം മാളവിക അവന്റെ വിശേഷങ്ങൾ ചോദിക്കാൻ തുടങ്ങി.​”അവിടെ ചെന്നൈയിൽ എന്തൊക്കെയുണ്ട് വിശേഷങ്ങൾ? നിന്റെ ക്ലാസ്സൊക്കെ എവിടെവരെയായി? റൂമിൽ ഫുഡ് ഒക്കെ കഴിച്ചോ?”​”ഇവിടെ കുഴപ്പമില്ല ചേച്ചി .

നാളെ ഒരു സെമിനാർ ഉണ്ട് അതിന്റെ ക്ലാസ്സ്‌ നാളെയാണ് തുടങ്ങുന്നത്. അതിന്റെ കുറച്ചു പേപ്പർ വർക്കുകൾ സെറ്റ് ആക്കുക്കേയായിരുന്നു ഞാൻ. റൂമിൽ ഫ്രണ്ട്സ് ഒക്കെ ഉണ്ട്. ഫുഡ് പുറത്തുനിന്ന് കഴിച്ചു,” അർജുൻ തന്റെ ചെന്നൈ വിശേഷങ്ങൾ ഓരോന്നായി വിവരിച്ചു.