“നീ വേറെ വീട് വെക്കാൻ പോകുവാ..” ആ നോട്ടം അങ്ങനെ തന്നെ ഉണ്ട്…കണ്ണു കുറച്ചൂടെ മിഴിഞ്ഞെന്ന് മാത്രം..
“മ്മ്മ്….ഈ ചിട്ടീം പിന്നമ്മയേക്കൊണ്ട് ചെറുതൊരെണ്ണം വേറെയും കൂടിച്ചിട്ടുണ്ട് രണ്ടും കൂടെ കിട്ടാറായി…അപ്പൊ തുടങ്ങിവക്കാന്ന് ഓർത്താണ്…ബാലൻസ് വേണ്ടത് വീടിന് പുറകിലെ ഒരു 10 സെന്റ് മുറിച്ചു കൊടുത്തിട്ട് ഒപ്പിക്കാം…”
“അതോണ്ട് തികയുവോ…”
“മ്മ്മ്…തികയ്ക്കണം…ഒരു സ്ഥിരവരുമാനം ഇല്ലാതെ ലോൺ ഒക്കെ എടുക്കാൻ അത്ര ധൈര്യം പോരാടി…”
ഹരി ആലോചനയിൽ പറഞ്ഞു..
“അമ്മയെന്നോടൊന്നും ഇതുവരേം പറഞ്ഞിട്ടില്ലല്ലോ….ഇത്രേം വല്യ കാര്യൊക്കെ എന്നോടൊളിപ്പിക്കുവോ…..”
“ഇല്ല…..അമ്മയോട് ഞാൻ പറഞ്ഞിട്ടുണ്ടെങ്കിൽ അല്ലെ അമ്മ നിന്നോട് പറയു…..”
“ങേഹ്…..അമ്മയോട് പറയാതെയാ നീ വീടൊക്കെ വെക്കാൻ പോണേ…..” അവൾക്കത്ര വിശ്വാസം ആയിട്ടില്ല…
“പറയും….പറയാണ്ടൊന്നും ചെയ്യില്ല….പക്ഷെ ഇപ്പോളല്ല…”
“അതെന്താ….”
“എന്നെക്കരുതി ഒരുപാട് പ്രതീക്ഷ വച്ചിരുന്നതാ എന്റെ മായക്കുഞ്ഞ്….എല്ലാം തച്ചുടച്ചു കയ്യിൽ കൊടുത്തവനാ ഞാൻ….ഇനിയിതിൽ കൂടി ഒരു മോഹം കൊടുക്കാൻ ധൈര്യം പോരാടി….എന്നെക്കൊണ്ട് കൂട്ടിയാൽ കൂടുവോന്ന് പോലും തീർച്ചയില്ല….എല്ലാം ഒന്നും വട്ടം കൂട്ടിയെത്തിക്കട്ടെ…എന്നിട്ട് അമ്മയോട് പറയാമെന്നാ വിചാരിക്കണേ….“ നോവുകലർന്നിട്ടുണ്ട് അവന്റെ ശബ്ദത്തിൽ….
അമ്മുവത് മനസിലാക്കിയ പോലെ അവളുടെ തലമുടിയിൽ ഇരുന്ന അവന്റെ വിരലിൽ ഒന്നു വിരൽമുറുക്കിയയച്ചു….
kollam bro next part waiting
ആശംസകൾ
വ്യോമകേശൻ
അനാമികാ
ഉത്തേജക കരമായ എഴുത്ത്.കഥാപാത്രങ്ങൾക്ക് മിഴിവെകാൻ ശ്രദ്ധിക്കുന്നതിൽ അഭിനന്ദനം. പരീക്ഷ കഴിഞ്ഞോ. നന്നായി എഴുതിയിരിക്കുമെല്ലോ. വിജയാശംസകൾ.