തമ്പുരാട്ടി 7 [രാമന്‍] 326

”നമുക്ക് കാറിൽ പോയി പെട്ടന്ന് പോരാം..“ ഞാനും കൂടെ അഭിപ്രായം ഇട്ടപ്പോ ഏട്ടത്തിക്ക് സമ്മതമാണെന്ന് ആ മുഖം പറഞ്ഞു.

”അമ്മ വിടുവോ..“ ഏട്ടത്തി പെട്ടന്ന് മുഖം ചോദ്യ ചിന്നമാക്കി. എന്നെ ആ പെണ്ണ് മൈൻഡ് ചെയ്യുന്ന് പോലുമില്ല അപ്പോ ഞാൻ പറഞ്ഞാ തമ്പുരാട്ടി എന്തായാലും കേൾക്കില്ല. അനുഷേച്ചി പറഞ്ഞു നോക്കേണ്ടി വരും. അല്ലേലും ഈ കാര്യത്തിന് അമ്മയുടെ സമ്മതം വേണ്ട. പിന്നെ ഒന്ന് പറഞ്ഞു ,പോണം ആ ഫോർമാലിറ്റിക്ക് ചെയ്യണതാണ്. അമ്മയോട് പറയുന്ന കാര്യം അനുഷേച്ചിയേറ്റു. അങ്ങനെ വൈകുന്നേരത്തെ ഔട്ടിങ് റെഡി.

രാവിലെ എഴുന്നേറ്റ മുതൽ ഇത്ര നേരം ഫുഡ്‌ കഴിക്കാതെ എന്നെ കാത്തിരിക്കായിരുന്നു ഏട്ടത്തിയും ,അനുഷേച്ചിയും. എന്നെ കൂട്ടി വരുമ്പോ ഊണ് മുറിയിലേക്ക് ഞങ്ങൾ നടക്കുമ്പോ തമ്പുരാട്ടി എവിടുന്നേലും വരുന്നുണ്ടോന്നു ഏട്ടത്തി പേടിയോടെ നോക്കുന്നത് കണ്ടു.

അമ്മയുടെ റൂമിന് മുന്നിലെത്തിയപ്പോ ഏട്ടത്തിയുടെ നടത്തം മെല്ലെയാക്കുന്ന കണ്ട ഞാൻ ഏട്ടത്തിയുടെ കൈ പിടിച്ചു ധൈര്യം കൊടുത്തു. ബാക്കിൽ നടക്കുന്ന അനുഷേച്ചിയെ ഞാനപ്പോ ഒന്ന് തിരിഞ്ഞു നോക്കി. പെണ്ണിന്റെ മുഖം കൊട്ട കാണിക്കിന് വെച്ചിട്ടുണ്ടോ എന്നറിയാൻ. അനുഷേച്ചി നൈസ് ആയിട്ട് മുഖം കാണിക്കാതെ താഴ്ത്തി കളഞ്ഞു.

ഞങ്ങൾ ഒരുമിച്ചു ഫുഡ്‌ കഴിക്കാനിരുന്നു. ദോശയും ചമ്മന്തിയും കഴിക്കുന്നതിനിടയിൽ ശാരദാമ്മ വലിയ കപ്പിൽ കൊണ്ട് വെച്ച ചായ കണ്ട് ഞാനൊന്ന് അമ്പരന്നു. സാധാരണം രാവിലെ കട്ടൻചായ കുടിക്കുന്ന ഞങ്ങളുടെ മുന്നിൽ പാലൊഴിച്ച ചായ. ഇതെന്ത് മറിമായം എന്ന രീതിയിൽ ശാരദാമ്മയെ നോക്കിയപ്പോ മൂപ്പത്തിക്ക് ഒരു ചിരിയുണ്ട്.