🔥ഏദൻ തോട്ടത്തിന്റെ കാവൽക്കാരൻ 13🔥[സഞ്ജു സേന] 1568

”പേടിക്കേണ്ട ,അരുണിന്റെ തന്നെ ഒരു ബോട്ട് നാളെയോ മറ്റന്നാളോ കടലിലേക്ക് പോകുന്നുണ്ട് , കറാച്ചി പോർട്ടിൽ നിന്നും വരുന്ന കപ്പലാണ് ലക്‌ഷ്യം , ഡ്രഗ്‌സോ ,ഗോൾഡോ ഒക്കെയാണ് ഇടപാട് , ബോട്ടുകാർക്ക് ഇവളെ കൈമാറിയാൽ അവരുടെ ഉപയോഗം കഴിഞ്ഞു ജീവൻ ബാക്കിയുണ്ടെങ്കിൽ കപ്പലുകാർക്ക് വിട്ടുകൊടുത്തോളും ,പുറംലോകം പിന്നെ ഇവരെ കുറിച്ച് ഒന്നും കേൾക്കില്ല ,.. ഒഴിവാക്കാൻ സമയമായെന്നു തോന്നുന്നവരെ ഇരുചെവിയറിയാതെ അവസാനിപ്പിക്കാൻ അരുൺ കണ്ടെത്തിയ വഴികളിൽ ഒന്ന് .. ബോട്ടുകാർക്ക് കൈമാറാനായി പെൺകുട്ടികളെ ഇവളും ഈ വണ്ടിയിൽ കയറ്റി അയച്ചിട്ടുണ്ട് ,അത് കൊണ്ട് മടി വേണ്ട …”

ഒരുത്തരത്തിനായി അയാൾ എന്നെ നോക്കി , ശത്രുവാണെങ്കിലും ഒരു മനുഷ്യസ്ത്രീയെ കടലിൽ വച്ച് കൊല്ലാകൊല ചെയ്യാൻ വേണ്ടി കൈമാറുക എന്ന് പറഞ്ഞാൽ ? ആകെ പകച്ചു പോയ ഞാൻ തിരിഞ്ഞു പ്രിയയെയും ,സമീറയെയും നോക്കി ..അവരും എന്നെ പോലെ തന്നെ ഡ്രൈവർ പറഞ്ഞത് കേട്ട് പകച്ചു പരസ്പരം നോക്കുകയാണ് …

”അരുൺ സാർ അറിയുമോ എന്ന പേടിയാണെങ്കിൽ അക്കാര്യം വിട്ടേക്ക് , ഇരുപത്തിനാലു മണിക്കൂറും കള്ളും കഞ്ചാവും പെണ്ണും ഒക്കെ ഏർപ്പാടാക്കി കൊടുത്തു അയാൾ വളർത്തുന്ന വേട്ടപ്പട്ടികളാണ് ബോട്ടിൽ പുറംകടലിലേക്ക് പോകുന്നത് ..അമ്മയെയും പെങ്ങളെയും പോലും തിരിച്ചറിയാൻ കഴിവില്ലാത്ത അവർക്ക് ഈ വണ്ടിയിൽ യാർഡ് കടന്നെത്തുന്നത് തിന്നാനും കുടിക്കാനും രസിക്കാനുമുള്ള വകകൾ മാത്രം ..”

വണ്ടിയിപ്പോൾ റോഡിന്റെ സൈഡിലേക്ക് ഒതുക്കി നിർത്തിയിരിക്കുകയാണ് , ഞാൻ വീണ്ടും തിരിഞ്ഞു പ്രിയയെ നോക്കി ,അവർ വേണ്ടെന്ന മട്ടിൽ തല വെട്ടിച്ചു ,സമീറയുടെ മുഖമാണെങ്കിൽ അകെ വിളറി വെളുത്തു …. ഒരു ഞരക്കം …നോക്കുമ്പോൾ ഷൈനിയിൽ നിന്നാണ് ,ഭീതി നിറഞ്ഞ കണ്ണുകൾ അരുതെന്നു വിളിച്ചു പറയും പോലെ തോന്നി …

”ഞാൻ ..ഞാൻ ഏതായാലും സരോജ ഡോക്ടറിനെയും ,ദേവമ്മയെയും ഒന്ന് വിളിച്ചിട്ടു ..”

”ആലോചിച്ചു പറഞ്ഞാൽ മതി ,പക്ഷെ ഒന്നോർത്തോളൂ ,ഇവള് പുറത്തു പോയി റാണി ഡോകട്ർക്ക് വിവരം കൊടുത്താൽ പിന്നെ എന്റെ കാര്യം പോട്ടെ ,അടുത്ത നിമിഷം പോലും എന്തും സംഭവിക്കാം എന്നുറപ്പിച്ചു കൊണ്ട് തന്നെയാണ് ഇറങ്ങിയത് , പക്ഷെ ഡോക്ടർ , .. എന്റെ അനിയത്തിയുടെ ജീവനും ജീവിതവുമൊക്കെ തിരിച്ചു പിടിച്ചു കൊടുത്തത് സരോജ ഡോക്ടറാണ് ,ഈ ലോകത്തു എനിക്ക് ആരോടെങ്കിലും കടപ്പാട് ,അവരോടും ,ദേവമ്മയോടുമാണ് , ഇവൾ പുറത്തു പോയാൽ നാളെ ഈ വണ്ടിയിൽ അവരെ ആ യാർഡിൽ എത്തിക്കുക എന്നതായിരിക്കും എന്റെ അവസാനത്തെ ഡ്യൂട്ടി ,..”

”ചേട്ടാ ,എനിക്കിവരോട് ഒരു ദയയും തോന്നേണ്ട കാര്യമില്ല ,എങ്കിലും ഒരു പെണ്ണാണ് …അറിഞ്ഞു കൊണ്ട് കൊല്ലാൻ കൊടുക്കുക എന്നൊക്കെ പറഞ്ഞാൽ ,ഏതായാലും ഡോക്ടറോട് വിളിച്ചു ചോദിച്ചിട്ടു ഒരു തീരുമാനമെടുക്കാം ..”

”ഞാൻ പറഞ്ഞെന്നേയുള്ളൂ ,ഡോക്ടറും ദേവമ്മയും പറയുന്നതെന്തോ അത് തന്നെ ചെയ്യാം ,പിന്നെ പെണ്ണെന്നതു പോയിട്ട് മനുഷ്യ ജീവിയോടുള്ള പരിഗണന പോലും ഇവൾ അർഹിക്കുന്നില്ല ,അത് മറക്കരുത് ..”

ഡ്രൈവർ മനോജ് സമ്മതിച്ചതോടെ ഞാൻ ഡോർ തുറന്നു പുറത്തിറങ്ങി സരോജ ഡോക്ടറെ വിളിച്ചു കാര്യങ്ങൾ പറഞ്ഞു ,

”കുഴഞ്ഞല്ലോ അർജുൻ ,വൈത്തിക്ക് പിന്നാലെ ഷൈനി കൂടി മിസ്സിംഗ് ആയാൽ ? പക്ഷെ അവൾ പുറത്തു പോയാലും പ്രശ്നമാണ് ,….ഇനിയിപ്പോ,………മനോജ് ,അവൻ എന്താണ് പറയുന്നത് ?”

”ഏതോ ഒരു കഞ്ചാവ് ടീമിന് കൈമാറാൻ ”

”കഞ്ചാവ് ടീമിനോ ?”