മഴയുടെ തണുപ്പിനിടയിൽ ഷെഡ്ഢിന്റെ ഉള്ളിൽ അവളുടെ ശരീരത്തിൽ നിന്ന് ഉയരുന്ന മൃദുവായ ചൂട് ഫിലിപ്പിന് വ്യക്തമായി അനുഭവിക്കാനായി. സോപ്പിന്റെ മണം. മഴയുടെ നനവ്. മുടിയുടെ നനുത്ത മണം.
ഒരുപെൺകുട്ടി വളരെ അടുത്ത് നിന്നാൽ മാത്രം അറിയാൻ കഴിയുന്ന അവ്യക്തമായൊരു സാന്നിധ്യം. അവൻ അറിയാതെ ആഴത്തിൽ ശ്വാസം വിട്ടു.
സാറ അത് കേട്ടു.
"ഇത്ര നാണം കുണുങ്ങിയാണോ?"
അവൾ മൃദുവായി ചോദിച്ചു.
'അല്ല..'അവൻ പറഞ്ഞു.
പിന്നെ കുറച്ചു നിമിഷം കഴിഞ്ഞ് വളരെ താഴ്ന്ന ശബ്ദത്തിൽ കൂട്ടിച്ചേർത്തു.
"നീ അടുത്ത് നിൽക്കുമ്പോഴാണ്..."
ആ വാക്ക് കേട്ട നിമിഷം സാറയുടെ കവിളുകൾ മൃദുവായി ചുവന്നു.
പുറത്ത് മഴ പെയ്യുകയായിരുന്നു.
അകത്ത്, അവളുടെ ഹൃദയം.
അവൾ തല ഉയർത്തി അവനെ നോക്കി. ആ നിമിഷത്തിൽ
അവൾക്ക് ആദ്യമായി വ്യക്തമായി തോന്നി ഫിലിപ്പ് വെറും സുന്ദരനായ ഒരു ചെറുപ്പക്കാരൻ മാത്രമല്ല.
അവന്റെ നിശ്ശബ്ദതയ്ക്കുള്ളിൽ
ഒരുതരം സത്യസന്ധതയും, ആഴവും ഉണ്ടെന്ന്.
അത് അവളെ ഭയപ്പെടുത്തുകയും
അതേ സമയം അവനിലേക്ക് വലിക്കുകയും ചെയ്തു.
"ഫിലിപ്പ്.."
അവൾ വളരെ താഴ്ന്ന ശബ്ദത്തിൽ വിളിച്ചു.
'മ്മ്'
നീ പറഞ്ഞത് സത്യമാണോ?
'എന്ത്'.
"നീ...എന്നെ കണ്ടാൽ ശരിയായി നിൽക്കാൻ പറ്റുന്നില്ലെന്ന്".
ഫിലിപ്പ് ചെറുതായി ചിരിച്ചു.
പക്ഷേ ആ ചിരിക്ക് പിന്നിൽ ഒരു വിറയൽ ഉണ്ടായിരുന്നു.
"നിനക്ക് മനസ്സിലാവുന്നില്ലേ?
എന്ത്?"
'നീ..' അവൻ അവളെ നോക്കി. ഇത്തവണ കണ്ണ് മാറ്റാതെ.
"ഇങ്ങനെ അടുത്ത് നിൽക്കുമ്പോൾ ഒന്നും മനസ്സിലാകാതെ നിന്ന് പോകും"
ആ വാക്കുകൾ കേട്ട നിമിഷം സാറയുടെ ശ്വാസം പതുക്കെയായി.
അവൾ പിന്നോട്ട് പോയില്ല. പകരം,
അവൾ അവന്റെ ഷർട്ടിന്റെ കൈമുട്ട് ഭാഗം വളരെ പതുക്കെ തൊട്ടു.
ആ ചെറിയ സ്പർശം ഫിലിപ്പിന്റെ ഉള്ളിലൂടെ ഒരു വിറയലായി പാഞ്ഞുപോയി.
അവൻ സ്വാഭാവികമായി അവളുടെ കൈമുട്ട് പിടിച്ചു. വളരെ മൃദുവായി.
പക്ഷേ വിട്ടുകൊടുക്കാൻ മനസ്സില്ലാത്ത പോലെ.
രണ്ടുപേരുടെയും കണ്ണുകൾ തമ്മിൽ പൂട്ടി. മഴ ഇപ്പോൾ ഒരു മറപോലെ
അവരുടെ ചുറ്റും വീണുകൊണ്ടിരുന്നു.
ആരും സംസാരിച്ചില്ല. പക്ഷേ ആ നിശ്ശബ്ദതയിൽ പറയാതെ പോയത്
ഒരു സംഭാഷണത്തേക്കാൾ ആഴമുള്ളതായിരുന്നു.
ഫിലിപ്പ് പതുക്കെ കൈ ഉയർത്തി. സാറയുടെ കവിളിനരികിൽ ഒട്ടിക്കിടന്നിരുന്ന മുടിത്തണ്ട് അവൻ വിരലാൽ പിന്നിലേക്ക് മാറ്റി.
അവന്റെ വിരൽ തട്ടിയ ഭാഗത്തു നിന്ന് ഒരു ചൂട് അവളുടെ ശരീരത്തിലുടനീളം പതുക്കെ പടർന്നു.
സാറ അറിഞ്ഞുകൂടാതെ ശ്വാസം ഒന്ന് പിടിച്ചു. അത് വെറും ഒരു സ്പർശം മാത്രമായിരുന്നു. പക്ഷേ അവൾക്ക് അത് അങ്ങനെ തോന്നിയില്ല.
അവന്റെ വിരൽ തട്ടിയ കവിളിന്റെ വക്കിൽ നിന്ന് ആ ചൂട് കഴുത്തിലേക്കും, അവിടെ നിന്ന് നെഞ്ചിന്റെ ഉള്ളിലേക്കും, ശേഷം ഹൃദയത്തിന്റെ മിടിപ്പിലേക്കും പതുക്കെ ഇറങ്ങി.
അവൾ കണ്ണ് അടച്ചു. ഫിലിപ്പ് അതേ നിമിഷം കൈ പിന്വലിക്കാമായിരുന്നു. പക്ഷേ പിന്വലിച്ചില്ല. അവന്റെ വിരലുകൾ
അവളുടെ കവിളിന്റെ വക്കിൽ ഇനിയും ഒരു നിമിഷം കൂടി നിന്നു.
സാറ പതുക്കെ കണ്ണ് തുറന്നു.
ഇപ്പോൾ അവളുടെ കണ്ണുകളിൽ
വെറും നാണമല്ലായിരുന്നു.
ഒരുതരം മൃദുവായ സമ്മതം.
"സാറാ..."
അവൻ അവളുടെ പേര് മൃദുവായി വിളിച്ചു..
ആ ശബ്ദം കേട്ട നിമിഷം അവളുടെ ചുണ്ടുകൾ ചെറുതായി വിറച്ചു.
'മ്മ്...'
'ഇങ്ങനെ..എന്നെ നോക്കരുത്'.
അവൾ ചെറുതായി തലചായിച്ചു.
ഫിലിപ്പ് ശ്വാസം പതുക്കെ വിട്ടു. "എനിക്ക്...ശരിയായി നിൽക്കാൻ പറ്റുന്നില്ല.."
സാറയുടെ ചുണ്ടിന്റെ വക്കിൽ വളരെ മൃദുവായ ഒരു പുഞ്ചിരി വിരിഞ്ഞു.
"എനിക്കും" അവൾ മന്ത്രിച്ചു.
ആ വാക്കുകൾ ഫിലിപ്പിന്റെ ഉള്ളിൽ എന്തോ ഒന്ന് തുറന്നു.
അവൻ അവളുടെ അടുത്തേക്ക് കൂടി ചായിഞ്ഞു. ഇപ്പോൾ അവരുടെ നെറ്റികൾ ഏകദേശം തമ്മിൽ തട്ടുംവണ്ണം അടുത്തിരുന്നു.
സാറ കണ്ണുകൾ അടച്ചു.
അവളുടെ വിരലുകൾ അവന്റെ ഷർട്ടിനെ അല്പം കൂടുതൽ മുറുകെ പിടിച്ചു.
അവൻ അവളുടെ ചുണ്ടിലേക്ക് ഒന്ന് നോക്കി. എന്താ ഭംഗി, ഫിലിപ്പിന്റെ നെഞ്ചിടിപ്പ് കൂടി, തൊണ്ട വരണ്ടു.
അവന്റെ നോട്ടം പെട്ടെന്ന് താഴേക്ക് വീണു. അവൻ നിശ്ചലമായി. അവൻ നോക്കിയത് അവളുടെ മാറിലേക്കായിരുന്നു.
സാറയുടെ മാറിന്റെ ഭാഗം മഴയിൽ നനഞ്ഞ കറുത്ത തുണിക്കടിയിൽ
മൃദുവായി ജീവിച്ചു നിൽക്കുന്ന പോലെ തോന്നി.
ഓരോ ശ്വാസത്തിലും
ആ ഉയർച്ചതാഴ്ചകൾ പതുക്കെ കണ്ണിൽ പതിഞ്ഞു.
നനവേറ്റ് ചേർന്ന തുണി മറയ്ക്കേണ്ടത് മറച്ചിരുന്നെങ്കിലും, സ്ത്രീശരീരത്തിന്റെ സ്വാഭാവികമായ മൃദുവായ നിറവും ഒളിച്ചുകളിക്കാതെ വെളിപ്പെടുത്തുന്നുണ്ടായിരുന്നു.
ഫിലിപ്പിന്റെ കണ്ണുകൾ അറിയാതെ അവിടെ ഒന്ന് നിശ്ചലമായി.
അത് വെറും ശരീരത്തിന്റെ ഒരു ഭാഗമല്ലായിരുന്നു, ഒരു ചെറുപ്പക്കാരന്റെ ഹൃദയം
അസാധാരണമായി മിടിപ്പിക്കാൻ മതി വരുന്നത്ര സ്ത്രീസൗന്ദര്യത്തിന്റെ മയക്കമായിരുന്നു.
അവളുടെ നെഞ്ച് ഓരോ ശ്വാസത്തിലും അല്പം ഉയർന്നിറങ്ങുമ്പോൾ, ആ ചെറു ചലനം പോലും ഫിലിപ്പിന്റെ ഉള്ളിൽ പറയാനാകാത്ത ഒരു ചൂട് പടർത്തി.
അവൻ ഉടനെ കണ്ണ് മാറ്റാൻ നോക്കി.
പക്ഷേ...വീണ്ടും തിരികെ എത്തിയതും അതേ ഭാഗത്തേക്കായിരുന്നു. സാറ അത് ശ്രദ്ധിച്ച നിമിഷം അവളുടെ ചുണ്ടിന്റെ വക്കിൽ വളരെ ചെറിയൊരു പുഞ്ചിരി വിരിഞ്ഞു..
അവന്റെ വിരലുകൾ അവളുടെ ചുണ്ടിലേക്ക് ലക്ഷ്യം വെച്ചു.
വിരൽ കൊണ്ട് താഴത്തെ ചുണ്ട് ചെറുതായി ഒന്ന് തൊട്ടു.
സാറ വിറച്ചു. അവളുടെ ശ്വാസം ഉയർന്നു. മാറിടം പൊങ്ങിതാന്നു.
അവൻ പതുക്കെ താഴത്തെ ഇതൾ ഒന്ന് വലിച്ചു, 'സ്സ് ' അവളുടെ വായിൽ നിന്ന് ശബ്ദം വന്നു.
അവന്റെ വിരലിൽ ഒരു ചൂട് ശ്വാസത്തിന്റെ വിങ്ങൽ അനുഭവപ്പെട്ടു.
ഫിലിപ്പിന്റെ നിയന്ത്രണം നഷ്ട്ടപ്പെട്ടു കൊണ്ടിരുന്നു.
സാറ കണ്ണുതുറന്നു. അവനെ നോക്കി. അവൻ അവളെയും. രണ്ടുപേരും എന്തിനോ വേണ്ടി ദാഹിക്കുകയായിരുന്നു.
അവൻ വീണ്ടും അവളുടെ ചുണ്ടിലേക്ക് പോയി, ഒന്നുകൂടി ആ ഇതളുകൾ വലിച്ചു.
ഫിലിപ്പ് അവളുടെ ഇളം ചുവന്ന ചുണ്ടിനടുത്തേക്ക് അവന്റെ ചുണ്ട് അടുപ്പിച്ചു. അവരുടെ ആദ്യ ചുംബത്തിലേക്കുള്ള ദൂരം വളരെ കുറഞ്ഞു. ഒരിഞ്ചിലും താഴെ. പരസ്പരം കൂട്ടിമുട്ടി എന്ന അവസ്ഥയിലേക്ക്.
പെട്ടെന്ന് ഫിലിപ്പ് ഒന്ന് നിന്നു. അവളെ നോക്കി. ആദ്യ ചുംബനം കാത്ത് അവളും. അവൾ കണ്ണുകൾ അടച്ചു.
ഫിലിപ്പ് അവളുടെ നെറ്റിയിൽ വളരെ മൃദുവായ, വിറയലോടെ നിറഞ്ഞ ഒരു ചുംബനം പതിപ്പിച്ചു. അവൾ വിറച്ചു പോയി. ചുണ്ടിൽ പ്രധീക്ഷിച്ചതായിരുന്നു. പക്ഷേ അവൾക്ക് അവനോട് ഒന്നുകൂടെ ബഹുമാനം തോന്നി.
രണ്ടുപേരുടെയും ഹൃദയത്തിൽ വലിയൊരു അടയാളം വെച്ച നിമിഷമായിരുന്നു.
സാറയുടെ ശ്വാസം ആഴമായി. അവൾ കണ്ണ് തുറന്നില്ല.
ആ ചെറിയ ചുംബനത്തിന്റെ ചൂട്
ഇനിയും അവളുടെ നെറ്റിയിൽ നിലനിൽക്കുന്നതുപോലെ തോന്നി.
പുറത്ത് മഴ ഇപ്പോഴും നിന്നിരുന്നില്ല. അകത്ത്, അവരുടെ ഇടയിൽ പറയാതെ വളർന്നിരുന്നത് വെറും ആകർഷണമല്ലായിരുന്നു.
അത് അതിലും അപകടകരമായ എന്തോ ഒന്നായിരുന്നു.
പ്രണയം
ആദ്യമായി തന്റെ സാന്നിധ്യം അറിയിച്ച നിമിഷം.
അവർക്കിടയിൽ ഒരു വാക്കും അധികം പിറന്നില്ലെങ്കിലും, ആ മഴനനഞ്ഞ നിശ്ശബ്ദതയിൽ അവരുടെ ഹൃദയങ്ങൾ തമ്മിൽ ഇതിനകം വളരെ കാര്യങ്ങൾ പറഞ്ഞുകഴിഞ്ഞിരുന്നു.
ഷെഡിന്റെ ഉള്ളിൽ നിന്നിറങ്ങുമ്പോൾ, രണ്ടുപേരുടെയും കണ്ണുകളിൽ ഒരേ സത്യം മാത്രം ബാക്കിയായിരുന്നു ഇനി ഒരാൾക്കും മറ്റെയാളെ പഴയ പോലെ കാണാൻ കഴിയില്ല.
തുടരും.......
അഭിപ്രായങ്ങൾ അറിയിക്കുക. നിർബന്ധമായും അറിയിക്കുക. സപ്പോർട്ട് കുറവായതു കൊണ്ട് നിർത്തിയാലോ എന്ന് വരെ തോന്നുന്നുണ്ട്. അവസാനിപ്പിക്കണോ?
Up Next
Keep the reading flow going with the next chapter lined up and ready.