മാളവിക 8 [Abhisha] 132

​രണ്ടുപേരും ഒട്ടിച്ചേർന്ന് നടന്നു പോകുമ്പോൾ, അവളുടെ പിങ്ക് ടോപ്പിന്റെ വശങ്ങൾ അവന്റെ ഇടതു കൈയിൽ ഇടയ്ക്കിടെ തട്ടുന്നുണ്ടായിരുന്നു. മഴയുടെ തണുപ്പിലും ആ സ്പർശനം അവർക്കിടയിൽ ഒരു പുതിയ പരിചയത്തിന്റെ ഊഷ്മളത നൽകി. അവർ പതുക്കെ ഹോസ്പിറ്റലിന്റെ റിസപ്ഷൻ ഏരിയയിലേക്ക് നടന്നു കയറി.റിസപ്ഷനിൽ എത്തിയതും അവൻ കുട മടക്കി വശത്തേക്ക് വെച്ചു. “താങ്ക്സ് കേട്ടോ… നീ വന്നത് കൊണ്ട് ഞാൻ നനഞ്ഞില്ല,” മാളവിക മുടി ഒന്ന് ഒതുക്കിപ്പിടിച്ചുകൊണ്ട് പറഞ്ഞു.

​”അതൊന്നും സാരമില്ല ചേച്ചി. ഞാൻ അവിടെ വരാന്തയിൽ നിൽക്കുമ്പോഴാണ് ചേച്ചി വരുന്നത് കണ്ടത്,” അവൻ ചിരിച്ചു.

​”എന്താ നിന്റെ പേര്? ഇവിടെ ആരെ കാണാൻ വന്നതാ?” മാളവിക ചോദിച്ചു.

​”എന്റെ പേര് നിതിൻ. എന്റെ അമ്മ ഇവിടെ അഡ്മിറ്റ് ആണ് ചേച്ചി. അമ്മയ്ക്ക് പനി കുറയാത്തത് കൊണ്ട് രണ്ട് ദിവസം ഇവിടെ കിടക്കാൻ ഡോക്ടർ പറഞ്ഞു. ചേച്ചിയുടെ പേരെന്താ? ചേച്ചി ഇവിടെ വർക്ക് ചെയ്യുകയാണോ?” അവൻ കൗതുകത്തോടെ ചോദിച്ചു.

മാളവിക ഒന്ന് പുഞ്ചിരിച്ചു. “ഞാൻ മാളവിക. ഞാൻ ഇവിടെ അടുത്ത ഉള്ള സ്കൂൾ യിലെ ടീച്ചറാ ”

​”അപ്പോൾ ഇവിടെ ആരാണ് കിടക്കുന്നത്?” നിതിൻ വീണ്ടും ചോദിച്ചു.

​”എന്റെ അമ്മായിയാണ്. കാലിന് ചെറിയൊരു ഫ്രാക്ചർ ഉണ്ട്. അതുകൊണ്ട് രണ്ട് ദിവസം ഒബ്സർവേഷനിൽ കിടക്കാൻ പറഞ്ഞിരിക്കുകയാണ്. ഇന്ന് ചില ചെക്കപ്പുകളും കാര്യങ്ങളും ഒക്കെ ഉണ്ടായിരുന്നു.”

​നിതിൻ അവളെ ഒന്ന് കൂടി നോക്കി. “അപ്പോൾ ചേച്ചി ഇപ്പോൾ ഡ്യൂട്ടി കഴിഞ്ഞ് വരുന്നതാണോ? നേരത്തെ ലിഫ്റ്റിൽ വെച്ച് കൂടെ ഒരാളെ കണ്ടിരുന്നല്ലോ, അതാര്?”