മാളവിക 8 [Abhisha] 132

​വിനോദ് സാർ: “നമസ്കാരം… സുഖമാണല്ലോ അല്ലേ?”

​അച്ഛൻ: “ആ നമസ്കാരം സാർ. ഇരിക്കൂ… ഇവിടെ ഈ കസേരയിലിരിക്കൂ”.മാളവിക: “സാറിന്റെ അമ്മയ്ക്ക് സുഖമില്ലാതെ ഹോസ്പിറ്റലിൽ കൊണ്ടുവന്നതാ അച്ഛാ. താഴെ ബില്ലിംഗ് സെക്ഷനിൽ വെച്ചാണ് ഞാൻ സാറിനെ അപ്രതീക്ഷിതമായി കണ്ടത്. അമ്മായിക്ക് വയ്യാതെ ഇവിടെ അഡ്മിറ്റ് ആണെന്ന് പറഞ്ഞപ്പോൾ അമ്മായിയെ ഒന്ന് കണ്ടിട്ട് പോകാം എന്ന് വിചാരിച്ച് സാർ കൂടെ വന്നതാണ്.”

​അമ്മ: “അയ്യോ… അത് വലിയ കാര്യമായി സാർ. ഈ തിരക്കിനിടയിലും കാണാൻ വന്നതിൽ ഒത്തിരി സന്തോഷം. അമ്മയ്ക്ക് ഇപ്പോൾ എങ്ങനെയുണ്ട് സാർ? എന്തുപറ്റി?”

​വിനോദ് സാർ: “അമ്മയ്ക്ക് ചെറിയൊരു ശ്വാസംമുട്ടലിന്റെ ബുദ്ധിമുട്ട് ഉണ്ടായിരുന്നു അമ്മേ. പ്രായത്തിന്റേതായ അസ്വസ്ഥതകളാണ്. താഴെ ഒരു ജീവനക്കാരന്റെ അടുത്ത് ഇരുത്തിയിട്ടാണ് ഞാൻ വേഗം മുകളിലേക്ക് വന്നത്. അമ്മയെ കാറിൽ ഇരുത്തണം.”

​അതിനുശേഷം വിനോദ് സാർ പതുക്കെ അമ്മായി കിടക്കുന്ന കട്ടിലിനടുത്തേക്ക് നടന്നു ചെന്നു.വിനോദ് സാർ: “അമ്മയ്ക്ക് ഇപ്പോൾ എങ്ങനെയുണ്ട്? വേദനയൊക്കെ കുറവുണ്ടോ?”

​അമ്മായി: “ഇപ്പോൾ കുഴപ്പമില്ല സാർ. ഡോക്ടർ വന്ന് നോക്കിയിരുന്നു. ഇന്ന് അല്ലെകിൽ നാളെ ഡിസ്ചാർജ് ചെയ്യാം എന്ന് പറഞ്ഞു. മാളു ഉള്ളതുകൊണ്ട് വലിയ ബുദ്ധിമുട്ടില്ലാതെ കഴിഞ്ഞുപോയി.”വിനോദ് സാർ: “അത് നന്നായി. മാളവിക സ്കൂളിൽ വളരെ മിടുക്കിയാണ് കേട്ടോ. കുട്ടികൾക്കും മറ്റ് അധ്യാപകർക്കും ഒക്കെ അവളെ വലിയ കാര്യമാണ്. വീട്ടിലെ കാര്യങ്ങളിലും അവൾ ഇത്രയും ഉത്തരവാദിത്തം കാണിക്കുന്നത് കാണുമ്പോൾ സന്തോഷമുണ്ട്.”